گوگل نیوز پر ہمیں فالو کریںلندن میں سابق وزیر اعظم اور ن لیگ کے تاحیات قائد میاں نواز شریف سے افغان مشیرِ سلامتی حمد اللہ محب اور وزیرِ امن سید سعادت نادری کی ملاقات ہوئی جس پر پاکستان کے وفاقی وزراء نے شدید ردِ عمل کا اظہار کیا ہے۔
تفصیلات کے مطابق افغان مشیرِ قومی سلامتی حمد اللہ محب پاکستان پر بے بنیاد الزامات عائد کرچکے ہیں جس پر دفترِ خارجہ اور وفاقی وزراء نے شدید ردِ عمل کا اظہار کیا۔ حال ہی میں نواز شریف کی حمداللہ محب سے ملاقات ہوئی۔
حمد اللہ محب کے علاوہ افغان وزیرِ مملکت برائے امن سید سعادت نادری نے بھی سابق وزیر اعظم میاں نواز شریف سے لندن میں ملاقات کی اور باہمی دلچسپی کے امور پر گفتگو کی تاہم افغان حکومت نے ملاقات کی مزید تفصیلات نہیں بتائیں۔
NSA @hmohib and State Minister for Peace Sayed Sadat Naderi called on Former Prime Minister Nawaz Sharif in London to discuss matters of mutual interest. pic.twitter.com/bOs1PmwdmJ
— NSC Afghanistan (@NSCAfghan) July 23, 2021
نواز شریف کی حمد اللہ محب سے ملاقات پر ردِ عمل دیتے ہوئے وزیرِ اطلاعات فواد چوہدری نے کہا کہ نواز شریف کو پاکستان سے باہر بھیجنا اس لیے خطرناک تھا کہ ایسے لوگ بین الاقوامی سازشوں میں مددگار بن جاتے ہیں۔
وفاقی وزیر فواد چوہدری نے کہا کہ نواز شریف نے افغانستان میں بھارتی خفیہ ایجنسی را کے سب سے بڑے حلیف حمداللہ محب سے ملاقات کی۔ یہ ایسی ہی کارروائی کی مثال ہے۔ مودی، محب یا امر اللہ صالح سمیت ہر پاکستان دشمن نواز شریف کا قریبی دوست ہے۔
https://twitter.com/FawadPTIUpdates/status/1418842951829147648
اس حوالے سے وزیرِ بحری امور سید علی حیدر زیدی نے کہا کہ حمد اللہ محب سے مفرور میاں نواز شریف کی ملاقات حیرت انگیز ہے۔ حال ہی میں حمد اللہ نامی غلیظ انسان نے پاکستان کو کوٹھے سے تشبیہ دی تھی۔
وزیرِ بحری امور علی زیدی نے کہا کہ ن لیگ کے تاحیات قائد اور سابق وزیر اعظم نواز شریف نے اس احمق انسان سے رابطہ نہ کرنے کی قومی پالیسی کی خلاف ورزی کی ہے۔
Appalling to see fugitive Nawaz meeting with Hamdullah Mohib.
This jackass recently called Pakistan a “brothel.”
Nawaz has violated our stated policy of having no official contact with this despicable fool. https://t.co/WUtvPM6Kc5— Ali Haider Zaidi (@AliHZaidiPTI) July 24, 2021
یہ بھی پڑھیں: آزاد کشمیر انتخابات، عوام کی امیدیں پیپلز پارٹی کے ساتھ ہیں۔ناصر حسین شاہ
