گوگل نیوز پر ہمیں فالو کریںکراچی: وزیرِ اطلاعات سندھ سیّد ناصر حسین شاہ نے کہا ہے کہ آزاد کشمیر کے انتخابات میں عوام کی امیدیں پیپلز پارٹی کے ساتھ ہیں جبکہ پی ٹی آئی حکومت اور گزشتہ ن لیگی حکومت بھی کشمیریوں کیلئے کچھ نہ کرسکی۔
سماجی رابطے کی ویب سائٹ ٹوئٹر پر اپنے پیغام میں وزیرِ اطلاعات سندھ ناصر حسین شاہ نے کہا کہ سروے زمینی حقائق سے تعلق نہیں رکھتے اور کچھ حلقے اس طرح کے پولز منعقد کرتے ہیں۔
صوبائی وزیرِ اطلاعات نے کہا کہ چاہے کراچی کے حلقہ این اے 249 کی بات کی جائے یا نوشہرہ کی، ایسے سرویز کی حقیقت بے نقاب ہوچکی ہے۔
وزیرِ اطلاعات سندھ ناصر حسین شاہ نے کہا کہ کشمیریوں کو اچھی طرح علم ہے کہ 5سال میں ن لیگی یا 3سال میں پی ٹی آئی حکومت ان کیلئے کچھ نہ کرسکی، ان کی امیدیں پیپلز پارٹی کے ساتھ ہیں۔
Surveys are far from ground realities & some circles organises such polls.Whether it was the NA249 or Naushera the reality of such surveys was exposed. Kashmiris r well aware that neither PMLN in 5yrs nor the PTI in 3yrs has given them anything. All their hopes r with the PPP now
— Syed Nasir Hussain Shah (@SyedNasirHShah) July 24, 2021
خیال رہے کہ اِس سے قبل پیپلز پارٹی نے آزاد کشمیر کی انتخابی مہم کیلئے چیئرمین پی پی پی کی ہمشیرہ اور سابق صدر کی صاحبزادی کو میدانِ عمل میں اتاردیا، آصفہ بھٹو آزاد کشمیر پہنچ گئیں۔
چیئرمین پی پی پی بلاول بھٹو زرداری کی ذمہ داری آصفہ نے سنبھال لی۔ سابق صدر آصف زرداری کی صاحبزادی آصفہ بھٹو نے مظفر آباد میں ریلی اور جلسے سے خطاب کیا۔
مرکزی رہنما پیپلز پارٹی آصفہ بھٹو نے 17 جولائی کے روز کوہالہ پل سے شروع ہونے والی ریلی کی قیادت کرتے ہوئے پی پی پی کارکنان اور دیگر شرکائے ریلی سے خطاب کیا اور کارکنان کا لہو گرمایا۔
آزاد کشمیر انتخابی مہم کے دوران مختلف علاقوں میں ریلیوں کے بعد جلسے کا آغاز شام 4 بجے ہوا۔ آصفہ بھٹو کے خطاب سے پیپلز پارٹی کے آزاد کشمیر انتخابات میں نئے دور کا آغاز ہوا۔
مزید پڑھیں: آزاد کشمیرانتخابات،پی پی پی نے آصفہ بھٹو کو میدان میں اتاردیا
