گوگل نیوز پر ہمیں فالو کریںغزہ: اسرائیل کی جانب سے غزہ پر بربریت کا سلسلہ جاری ہے، جس کے نتیجے میں بے گناہ فلسطینیوں کا بڑے پیمانے پر جانی اور مالی نقصان ہوچکا ہے، اسپتالوں اور مردہ خانوں میں میتیں رکھنے کی جگہ بھی ختم ہوچکی ہے۔
بین الاقوامی خبر رساں ادارے کی رپورٹ کے مطابق دیر البلح کی اسپتال انتظامیہ نے جسمانی اعضا اور میتیں رکھنے کیلئے آئس کریم ٹرکس منگو الیے ہیں جس کی ویڈیو سوشل میڈیا پر گردش کررہی ہے۔
Ice cream trucks in Gaza are being used to store bodies of Palestinians killed in Israeli air attacks as hospital morgues are being overwhelmed ⤵️ pic.twitter.com/YNnKT2TYcH
— Al Jazeera English (@AJEnglish) October 14, 2023
دیر البلح میں الاقصیٰ شہدا اسپتال کی انتظامیہ نے عرب میڈیا سے بات کرتے ہوئے کہا کہ اسپتال کے فریج میں اتنی بڑی تعداد میں شہدا کی لاشوں کو نہیں رکھا جا سکتا۔
انہوں نے کہا کہ اسرائیل کے حملے میں شہید ہونے والے فلسطینیوں کی میتیں اب آئس کریم ٹرکس اور ریفریجریٹر گاڑیوں میں رکھی جا رہی ہیں۔
اسرائیل حماس جنگ، 700بچوں اور خواتین سمیت 2200سے زائد فلسطینی شہید
انہوں نے مزید کہا کہ غزہ کے اسپتالوں میں ہیلتھ ریفریجریٹرز لاشوں سے بھر چکے ہیں جس کے بعد اسپتال انتظامیہ فیکٹریوں سے ادھار لے کر کھانے اور آئس کریم کے ریفریجریٹرز کو استعمال کرنے پر مجبور ہوچکی ہے۔
