گوگل نیوز پر ہمیں فالو کریںکراچی:بم ڈسپوزل اسکواڈنے کہاہے کہ مسکن چورنگی دھماکا گیس لیکج کے باعث پیش آیا، جائے وقوعہ سے آئی ای ڈیز، و دیگر دھماکا خیز مواد کے شواہد نہیں ملے ہیں۔بم ڈسپوزل اسکواڈ نے مسکن چورنگی دھماکے کی نوعیت کے حوالے سے ابتدائی رپورٹ تیار کرلی ہے۔
رپورٹ میں بتایا گیاہے کہ دھماکاگیس لیکج کے باعث پیش آیا، جائے وقوعہ سے آئی ای ڈیز، و دیگر دھماکا خیز مواد کے شواہد نہیں ملے۔دوسری جانب سوئی سدرن گیس کمپنی ٹیم نے متاثرہ عمارت کادورہ کیا۔
ٹیم کے سربراہ نے بتایا کہ عمارت کی پہلی منزل کے فلیٹ کاگیس کنکشن کٹاہواہے جبکہ دوسری، تیسری اور چوتھی منزل کے کنکشن لگے ہوئے ہیں۔اس سے قبل ترجمان ایس ایس جی سی نے بتایاتھا کہ ایس ایس جی سی کی ساری گیس لائنیں اور عمارت میں لگے تمام گیس میٹرز محفوظ ہیں۔
