گوگل نیوز پر ہمیں فالو کریںاسلام آباد:وزیراعظم کے ترجمان و معاون خصوصی برائے سیاسی ابلاغ ڈاکٹر شہباز گِل نے کہا ہے کہ غریب عوام کو لوٹ کر شہنشاہیت کرنے والے آج مفرور اشتہاری ہیں۔
مریم صفدر کے بیان پر اپنے ردعمل میں ڈاکٹر شہباز گل نے کہا کہ ناجائز خاندانی دولت بچانے کیلئے سرٹیفائیڈ جعلساز جمہوریت کے بھاشن دے رہی ہیں۔غریب عوام کو لوٹ کر شہنشاہیت کرنے والے آج مفرور اشتہاری ہیں۔
انہوں نے کہاکہ ناجائز خاندانی دولت بچانے کیلئے سرٹیفائیڈ جعلساز جمہوریت کے بھاشن دے رہی ہیں۔ انہوں نے کہا کہ انکے والد پرچیاں پڑھ کر ملک کا نام ڈبوتے رہے، انکے والد کرپشن کے حوالے سے عالمی دنیا میں جانے جاتے ہیں۔
انہوں نے کہا کہ کرپشن کیلئے ایوان کو استعمال کرنے والے جمہوریت اور جمہور کی بات کرتے ہوئے شرم کرے،خاندانی سیاست اور شہنشاہیت کو جمہوریت کے ورق میں لپیٹ کر پیش کرنا منافقت ہے۔
ڈاکٹر شہباز گِل نے کہا کہ مریم کا بلوچستان میں آرمی کے جوانوں کی شہادت کو گھٹیا سیاست کیلئے استعمال کرنا شرمناک ہے۔ مریم اور انکے حواری ایسے کسی واقعے کے منتظر رہتے ہیں تاکہ سیاست کر سکیں۔
مزید پڑھیں: نور الحق قادری کا وزیر اعظم سے عورت مارچ پر پابندی عائد کرنے کا مطالبہ
