گوگل نیوز پر ہمیں فالو کریںاسلام آباد: مسلم لیگ (ن) کی سینئر نائب صدر مریم نواز نے کہا ہے کہ آج میری زندگی کا سب سے بڑا دن ہے کیونکہ نواز شریف وطن واپس آچکے ہیں۔
سماجی رابطے کی ویب سائٹ ٹوئٹر پر اپنے پیغام میں سابق وزیر اعظم نواز شریف کی صاحبزادی مریم نواز نے کہا کہ میری زندگی کا شاید آج سب سے بڑا دن ہے۔ میں اللہ ربّ العزت کی شکرگزار ہوں۔
نواز شریف کی 4سال بعد وطن واپسی، اسلام آباد میں ”ا مید پاکستان“ کی لینڈنگ
ٹوئٹر پیغام میں مریم نواز نے کہا کہ جتنے دکھ اور تکالیف نواز شریف نے پچھلے 24سالوں میں سہے، شاید ہی اس کی کوئی مثال ہو اور ان کے کچھ زخم ایسے ہیں جو کبھی نہیں بھر پائیں گے۔
سینئر نائب صدر ن لیگ مریم نواز نے کہا کہ جتنے عروج بھی نواز شریف نے دیکھے وہ بھی شاید کسی اور کے حصے میں نہ آئے ہوں۔ پاکستان آج نواز شریف کا ایک اور عروج دیکھنے جا رہا ہے۔
میری زندگی کا شاید آج سب سے بڑا دن ہے۔ میں اللّہ ربّ العزت کی شکر گزار ہوں۔ جتنے دکھ اور تکالیف نواز شریف نے پچھلے 24 سالوں میں سہے، شاید ہی اس کی کوئی مثال ہو، اور انکے کچھ زخم ایسے ہیں جو کبھی نہیں بھر پائیں گے مگر جتنے عروج بھی نواز شریف نے دیکھے وہ بھی شائد کسی اور کے حصے میں…
— Maryam Nawaz Sharif (@MaryamNSharif) October 21, 2023
خیال رہے کہ اس سے قبل سابق وزیر اعظم نواز شریف 4سالہ خودساختہ جلاوطنی کے بعد وطن واپس پہنچ گئے، وفاقی دارالحکومت میں ان کا طیارہ ”امید پاکستان“ لینڈ کرگیا۔
سابق وزیر خزانہ اسحاق ڈار اور سابق وزیر قانون اعظم نذیر تارڑ نواز شریف کے استقبال کیلئے اسلام آباد ائیرکورٹ پہنچ گئے۔ دیگر پارٹی قائدین کی بڑی تعداد بھی اسلام آباد پہنچی اور نواز شریف کو خوش آمدید کہا۔
