گوگل نیوز پر ہمیں فالو کریںمقبوضہ وادی میں مختلف مقامات پر ترجمان پاک فوج میجر جنرل آصف غفور کےپوسٹرزآویزاں کردیے گئے ہیں۔ پوسٹرزپرڈی جی آئی ایس پی آرکاپیغام بھی درج کیاگیاہے۔
کشمیرمیڈٰیا سروس کی رپورٹ کےمطابق پوسٹرزپر ڈی جی آئی ایس پی آرکا پیغام “پاکستان آخری سپاہی اور گولی تک کشمیر کےلیے جنگ جاری رکھے گا” تحریر کیا گیا ہے۔
حریت رہنماؤں اورکارکنوں نے بھی پوسٹرزمیں اعلان کیا ہے کہ کشمیری قوم بھارت کواپنے وطن سےنکالنے کے لیے پاکستان کے شانہ بشانہ ہوگی، کشمیر زمین کی جنت ہے اورجنت غاصب فورسز کاٹھکانہ نہیں بن سکتی۔
واضح رہے کہ 5 اگست کے بعد سے کشمیر کی خصوصی حیثیت ختم کردی تھی جس کے بعدسے وادی کوبھارتی انتظامیہ نےفوجی چھاؤنی میں تبدیل کررکھا ہے،مقبوضہ وادی میں کرفیونافذ اورمکمل لاک ڈاؤن کی صورتحال ہے۔ بھارتی فورسز نے کشمیر میں حریت قیادت کونظربند اورمیڈیا کےنمائندوں کے داخلےپربھی پابندی عائدکررکھی ہے۔
