گوگل نیوز پر ہمیں فالو کریںاسرائیل کی جانب سے غزہ پر بربریت کا سلسلہ جاری ہے، ایسے میں میئر لندن صادق خان نے فوری طور پر جنگ بندی کا مطالبہ کردیا ہے۔
ایکس پرشیئر کی گئی ایک ویڈیو میں میئر لندن صادق خان نے کہا کہ اسرائیل سمیت کسی کو بھی حق نہیں کہ وہ بین الاقوامی قوانین کوہاتھ میں لے۔
میئرلندن نے کہا کہ غزہ میں فوجی مداخلت بڑھنے سے صورتحال مزید ابتری کی جانب بڑھ رہی ہے، سیاسی طریقے سے ہی امن کا قیام ممکن ہے۔
انہوں نے کہا کہ عالمی برادری حماس کی قید میں موجود افراد کی رہائی کے لیے اپنی کوششیں بڑھائے۔
Thousands of innocent civilians have already been killed in Israel and Gaza. With the humanitarian crisis set to deteriorate even further, I’m calling for a ceasefire. pic.twitter.com/iOZpHTsBQC
— Mayor of London, Sadiq Khan (@MayorofLondon) October 27, 2023
اُن کا کہنا تھا کہ ہزاروں معصوم شہریوں تک زندگی کی بنیادی ضروریات پہنچانا بھی ناممکن بنا دیا گیا ہے، ‘میں عالمی برادری کیساتھ آواز ملا کر جنگ بندی کا مطالبہ کرتا ہوں ‘۔
میئر لندن نے کہا کہ لندن میں رہنے والے افراد کے رشتے دار غزہ میں تشدد اور ہلاکتوں کا شکار ہو رہے ہیں، اسرائیل کو اپنے دفاع کا حق حاصل ہے، مگر وہ انہیں ہدف بنائے جو 7 اکتوبرکے حملے کے ذمہ دار ہیں۔
