پی ایس ایل 7، لاہور قلندرز کا ٹاس جیت کر اسلام آباد کیخلاف بیٹنگ کا فیصلہ

لاہور: ایچ بی ایل پی ایس ایل کا ساتواں سیزن اپنے آخری مراحل میں پہنچ گیا، لاہور قلندرز نے ٹاس جیت کر اسلام آباد یونائٹیڈ کے خلاف بیٹنگ کا فیصلہ کیا جبکہ آج جیتنے والی ٹیم کا مقابلہ 27 فروری کو ملتان سلطانز سے ہوگا۔

تفصیلات کے مطابق پاکستان سپر لیگ 7 کا یہ 33واں میچ لاہور کے قذافی اسٹیڈیم میں کھیلا جارہا ہے۔ لاہور قلندرز نے ٹاس جیت کر بیٹنگ کا آغاز کردیا ہے۔ ٹاس قلندرز کے کپتان شاہین آفریدی نے جیتا۔

یہ بھی پڑھیں:

پی ایس ایل7: اسلام آباد یونائیٹڈ نے پشاور زلمی کو شکست دیدی

ٹاس جیتنے کے موقعے پر گفتگو کرتے ہوئے کپتان شاہین آفریدی کا کہنا تھا کہ اسلام آباد یونائٹیڈ کو ہرانے کیلئے اچھا اسکور کریں گے۔ شائقینِ کرکٹ ہمیں سپورٹ کرتے ہیں۔ آج جیتنے والی ٹیم ملتان سلطانز کے مدِ مقابل آئے گی۔ 

خیال رہے کہ اس سے قبل قذافی اسٹیڈیم میں کھیلے گئے ایچ بی ایل پی ایس ایل 7کے اہم میچ میں اسلام آباد یونائیٹڈ نے پشاور زلمی کو شکست دیدی۔

پشاور زلمی نے اسلام آباد یونائیٹڈ کے خلاف ٹاس جیت کر پہلے بیٹنگ کرنے کا فیصلہ کیا اور مقررہ 20 اوورز میں اسلام آباد یونائیٹڈ کو جیت کے لیے 170 رنز کا ہدف دے دیا۔

اسلام آباد یونائیٹڈ نے 170 رنز کا ہدف 20 اوور کی تیسری گیند پر 5 وکٹوں کے نقصان پر پورا کرلیا۔ زلمی کے کامران اکمل نے 58 جبکہ شعیب ملک نے 55 رنز بنائے تھے۔