لاہور: قذافی اسٹیڈیم میں کھیلے جارہے ایچ بی ایل پی ایس ایل 7کے اہم میچ میں اسلام آباد یونائیٹڈ نے پشاور زلمی کو شکست دیدی۔
پشاور زلمی نے اسلام آباد یونائیٹڈ کے خلاف ٹاس جیت کر پہلے بلے بازی کرنے کا فیصلہ کیا، اور اسلام آباد یونائیٹڈ کو جیت کے لیے 170 رنز کا ہدف دے دیا۔
اسلام آباد یونائیٹڈ نے 170 رنز کا ہدف 20 اوور کی تیسری گیند پر 5 وکٹوں کے نقصان پر پورا کرلیا۔
پشاور زلمی کی جانب سے مقررہ 20 اوورز میں 5 کھلاڑیوں کے نقصان پر 169 رنز بنائے، کامران اکمل نے 58 اور شعیب ملک نے 55 رنز کی جارحانہ بلے بازی کی۔ حسین طلعت نے 28، محمد حارث نے 12 اور یاسر خان نے 8 رنز بنائے۔
اسلام آباد یونائیٹڈ کی جانب سے حسن علی نے 3 کھلاڑیوں کو پویلین بھیجا، فہیم اشرف اور شاداب خان نے ایک، ایک وکٹ حاصل کی۔
مزید پڑھیں: لاہوری لڑکی کہنے پر ایرن ہالینڈ کا ردِ عمل سامنے آگیا