سعودی حکومت نے ایک سے زائد عمرہ کرنے پر پابندی عائد کردی

ریاض: سعودی حکومت نے ایک سے زائد عمرہ کرنے پر پابندی عائد کرتے ہوئے دوسرے عمرے کی سہولت دینے سے قبل 10 روز کا وقفہ دینے کی شرط نافذ کردی ہے۔ 

تفصیلات کے مطابق سعودی حکومت نے ایک عمرے کے فوراً بعد دوسرے عمرے کی ادائیگی کی سہولت ختم کردی۔ وزارتِ حج و عمرہ کا کہنا ہے کہ زائرین کو پہلے اور دوسرے عمرے کے مابین 10 روز کا وقفہ لازمی دینا ہوگا۔

یہ بھی پڑھیں:

دنیا کی معمرترین جاپانی خاتون اپنی 119 ویں سالگرہ پر انتہائی خوش

دوسرے عمرے کی ادائیگی سے قبل سعودی حکام سے اجازت حاصل کرنا ہوگی۔ وزارتِ حج و عمرہ کے مطابق جو زائرین 10 روز سے کم وقفے پر عمرہ کرنا چاہتے ہیں، اجازت نامہ حاصل کرنے کے اہل نہیں ہوں گے۔

سعودی حکام نے پہلے ہی کورونا کی روک تھام کیلئے حج و عمرہ کی ادائیگی پر پابندیاں عائد کر رکھی ہیں۔ ماسک پہننے اور سماجی فاصلے کی شرائط مسجدِ حرام کے علاوہ مسجدِ نبوی ﷺ میں بھی عائد کردی گئیں۔ 

حکام کا کہنا ہے کہ کورونا کے بڑھتے ہوئے کیسز کی روک تھام کیلئے زائرین کو ایک ساتھ دو عمرے کرنے کی اجازت نہیں دی جاسکتی۔ سعودی عرب حکومت بڑھتے ہوئے کورونا کیسز کی روک تھام کیلئے پر عزم ہے۔