گوگل نیوز پر ہمیں فالو کریںایڈن گارڈنز: انڈین پریمئر لیگ کے 53ویں میچ میں کولکتہ نائٹ رائیڈرز نے راجستھان رائلز کو ایک رن سے شکست دے کر پلے آف کی دوڑ میں اپنی امیدیں برقرار رکھیں۔
سنسنی سے بھرپور اس میچ کا فیصلہ آخری گیند پر ہواجب شُبھم دوبے تین رنز درکار ہونے پر لمبا شاٹ کھیلنے میں ناکام رہے اور رن آؤٹ ہو گئے۔
کولکتہ نے پہلے کھیلتے ہوئے 4 وکٹوں پر 206 رنز بنائے جس میں آندرے رسل کی صرف 25 گیندوں پر ناقابل شکست 57 رنز کی اننگز نے اہم کردار ادا کیا۔ انگکرش رگھوانشی نے 44 رنز بنائے جبکہ راہانے 39 گیندوں پر 31 رنز کے ساتھ نمایاں رہے۔
راجستھان کی جانب سے جواب میں ریان پراگ نے 45 گیندوں پر 95 رنز کی شاندار اننگز کھیلی جس میں ایک اوور میں معین علی کو مسلسل پانچ چھکے بھی شامل تھے۔
آخری اوور میں ویبھاو اروڑا کی شاندار بولنگ نے کولکتہ کو فتح دلا دی۔ آخری گیند پر جب تین رنز درکار تھے، رنکو سنگھ کی تیز تھرو نے جوفرا آرچر کو رن آؤٹ کر دیا۔
معین علی، ورون چکرورتی اور ہرشت رانا نے کولکتہ کی جانب سے دو دو وکٹیں حاصل کیں جبکہ اروڑا نے آخری اوور میں اعصاب پر قابو رکھتے ہوئے میچ جتوایا۔
یہ میچ کئی اعتبار سے یادگار رہا، خاص طور پر ریان پراگ نے تاریخ رقم کی جب وہ آئی پی ایل کے پہلے کھلاڑی بنے جنہوں نے مسلسل چھ گیندوں پر چھ چھکے لگائے تاہم ان کی یہ کوشش ٹیم کو جیت نہ دلا سکی۔
مین آف دی میچ کا اعزاز آندرے رسل کو ان کی تباہ کن اننگز پر دیا گیا، کولکتہ کی یہ فتح نہ صرف انہیں پوائنٹس ٹیبل پر آگے لے آئی بلکہ آئندہ میچز میں پلے آف کی امیدیں بھی زندہ رکھیں۔
