رائیونڈ میں 10 بچے کا قاتل پھوپھا نکلا، پولیس نے ملزم کو گرفتار کرلیا

لاہور :پولیس نے رائیونڈ میں اندھے قتل کے ملزم کوچند گھنٹوں میں گرفتارکرلیا،قاتل پھوپھانکلا، آلہ قتل بھی برآمد کرلیا گیا۔

پولیس نے چاند رات کو 10سالہ عرفان کے اہل خانہ کی جانب سے اغواء کی درخواست موصول ہونے پر فوری طور پر مقدمہ درج کیا تھاجبکہ عید کے دن بچے کی لاش رائیونڈ کے علاقہ سے ملی تھی۔

سی سی پی او لاہور نے ملزمان کی فوری گرفتاری کیلئے احکامات جاری کیے تھے جس کے بعدایس پی صدر عیسیٰ سکھیرا کی سربراہی میں ایس ایچ او رائیونڈ اور انچارج انویسٹی گیشن نے فوری طور پر اپنی ٹیم کے ہمراہ ملزمان کی تلاش شروع کر دی تھی۔

مزید پڑھیں: وزیرآباد میں تیزرفتار کار نے گداگروں کو کچل ڈالا، 3 خواتین سمیت 5 افراد جاں بحق

ملزم کی گرفتاری کیلئے پیشہ ورانہ مہارت کیساتھ ساتھ جدید ٹیکنالوجی کی بھی مدد حاصل کی گئی،ملزم شبیر کو سی سی ٹی وی فوٹیج میں بچے کو آلہ قتل کیساتھ لیجاتے ہوئے بھی دیکھا گیا۔

رائیونڈ پولیس نے بچے کے پھوپھا شبیرکو گرفتار کیا جس نے قتل کا اعتراف کر لیا،ملزم سے آلہ قتل کلہاڑی بھی برآمد کر لی گئی ہے۔