گوگل نیوز پر ہمیں فالو کریںسانحہ اے پی ایس (آرمی پبلک اسکول) کے 5 سال مکمل ہونے پر ملکی سماجی و سیاسی شخصیات شہداء کو خراجِ تحسین پیش کر رہی ہیں۔ واقعے پر افسوس کے اظہار کے ساتھ ساتھ دہشت گردی کے خلاف عزمِ مصمم بھی سامنے آرہا ہے۔
وفاقی وزیر برائے انسانی حقوق ڈاکٹر شیریں ایم مزاری نے کہا ہے کہ سانحہ اے پی ایس کو کبھی بھلا نہیں سکتے۔ یہ ایک ایسا غم تھا جس نے پوری قوم کو ہلا کر رکھ دیا۔
سماجی رابطے کی ویب سائٹ ٹوئٹر پر اپنے پیغام میں ڈاکٹر شیریں مزاری نے کہا کہ سانحہ اے پی ایس میں دہشت گردوں نے بہت سی معصوم جانیں لیں اور اساتذہ کو بھی شہید کردیا۔ ہمارے پاس انہیں دینے کے لیے آنسو اور دعائیں باقی ہیں۔
ڈاکٹر شیریں مزاری نے کہا کہ دہشت گردوں کے خلاف حکومتی اقدامات یہ یقین پختہ کریں گے کہ ایسا واقعہ آئندہ کبھی دوبارہ پیش نہ آئے۔
A day that can never be forgotten – A tragedy so intense it shook the nation to its core – the APS terror attack that took away the lives of so many innocent children along with their teachers. Tears and prayers are all we have left alongside a resolve to ensure "never again" . pic.twitter.com/761bn18YSu
— Shireen Mazari (@ShireenMazari1) December 16, 2019
ٹوئٹر پیغام میں گورنر سندھ عمران اسماعیل نے دہشت گردی کے خلاف عزمِ مصمم کا اظہار کرتے ہوئے کہا کہ ہم اپنے بچوں کو کبھی نہیں بھولیں گے۔
گورنر سندھ عمران اسماعیل نے کہا کہ دہشت گردی کا ایسا واقعہ ہم کبھی دوبارہ نہیں ہونے دیں گے اور وطنِ عزیز پاکستان کو ہمیشہ دہشت گردی سے محفوظ رکھیں گے۔ ہم واقعہ اے پی ایس کو کبھی نہیں بھولیں گے۔
We will never forget our children.
We will never let that happen again.
We will keep our Pakistan safe.16/12/14 – we can never forget#APSPeshawar pic.twitter.com/urnuDsHvJk
— Imran Ismail (@ImranIsmailPTI) December 16, 2019
وفاقی وزیر سائنس و ٹیکنالوجی فواد چوہدری نے ٹوئٹر پیغام میں کہا کہ ہماری نیک تمنائیں اور دُعائیں شہدائے اے پی ایس کے لواحقین کے ساتھ ہیں۔ ہم اِس دن کو دکھ اور تکلیف کے ساتھ ہمیشہ یاد رکھیں گے۔
Thoughts and prayers with parents of #APSMartyrs … the day ll always be remembered as day of pain n sorrow…. pic.twitter.com/jsekVGbuXy
— Ch Fawad Hussain (@fawadchaudhry) December 16, 2019
پاکستان مسلم لیگ (ن) کے رہنما خواجہ سعد رفیق نے سانحہ اے پی ایس (آرمی پبلک اسکول) کے شہداء کو خراجِ تحسین پیش کرتے ہوئے دعا کی ہے کہ ایسا واقعہ دوبارہ کبھی نہ ہو، نہ کبھی ایسا دسمبر آئے۔
ٹوئٹر پر اپنے پیغام میں خواجہ سعد رفیق نے سانحہ اے پی ایس کے حوالے سے ایک تصویر شیئر کرتے ہوئے پیغام دیا کہ سانحہ اے پی ایس جیسا واقعہ لانے والا دسمبر خدا دوبارہ نہ دکھائے۔
بچے سکول جائیں اور واپس نا آئیں
خدا ایسا دسمبر کبھی نا لاۓ.
16دسمبر 2014
سانحہ آرمی پبلک سکول pic.twitter.com/AJglB453ZL— Khawaja Saad Rafique (@KhSaad_Rafique) December 16, 2019
اپنے پیغام میں اسپیکر قومی اسمبلی اسد قیصر نے کہا کہ 16 دسمبر 2014ء کا واقعہ نہ ہم بھولے ہیں، نہ ہم یہ بات کبھی معاف کریں گے۔ میں شہدائے اے پی ایس کے لواحقین سے مخلصانہ اظہارِ تعزیت کرتا ہوں۔
اسد قیصر نے ٹوئٹر پر جاری پیغام میں کہا کہ قوم کا اتحاد و یگانگت اور عزمِ مصمم ناقابلِ شکست ہے۔ 16 دسمبر کے موقعے پر سانحہ آرمی پبلک اسکول کے شہداء اور قوم کو خراجِ تحسین پیش کرتا ہوں۔
The tragedy of 16th December 2014 is neither forgotten nor forgiven. I extend my sincere condolences to the families who suffered and to this nation whose resilience and strength is remarkable. #APSPeshawar #BlackDay
— Asad Qaiser (@AsadQaiserPTI) December 16, 2019
یاد رہے کہ سانحہ آرمی پبلک اسکول (اے پی ایس) آج 5 برس مکمل ہوچکے ہیں جس کی یاد میں پاکستانی قوم شہداء کو خراجِ تحسین پیش کرے گی جس کے لیے ملک بھر میں تقریبات کا انعقاد کیا جائے گا۔
آرمی پبلک اسکول بچوں کو تعلیم دے کر پاک فوج میں بھرتی کے قابل کرنے والا تعلیمی ادارہ ہے جس پر دہشت گردوں نے حملہ کرکے معصوم بچوں سمیت متعدد افراد کو شہید کردیا۔
ہر تعلیمی ادارے کی طرح آرمی پبلک اسکول میں اس دن تمام بچوں کو اساتذہ نے اسمبلی ہال میں جمع کیا۔ دُعا پڑھی گئی جس کے بعد بچوں نے قومی ترانہ سنا اور روزانہ کی طرح اس روز بھی اپنے ملک سے والہانہ محبت کا اظہار کرتے ہوئے کلاسز میں چلے گئے۔
مزید پڑھیں: سانحہ آرمی پبلک اسکول کو 5 سال مکمل، شہداء کو خراجِ تحسین
