گوگل نیوز پر ہمیں فالو کریںکراچی: پاکستانی گلوکار بلال سعید اور برطانوی پنجابی گلوکار ایزو کے مشترکہ گانے جدائیاں کی میوزک ویڈیو میں بھارتی اداکارہ کترینہ کیف کی بہن ایزابیل بھی جلوہ گر ہوں گی،پوسٹر جاری کردیا گیا۔
بلال سعید اور گلوکار ایزو کے اشتراک سے بنایا گیا گانا 14 اکتوبر 2021 کو ریلیز کیا گیا تھا۔گانے کی ویڈیو مداحوں کے لیے اب پیش کی جائے گی۔
پوسٹر کے مطابق اس میوزک ویڈیو میں ایزابیل دکھائی دیں گی جو 28 جنوری 2022 کو ریلیز کی جائے گی۔گلوکار کی جانب سے گزشتہ روز میوزک ویڈیو کا پوسٹر جاری کیا گیا جس پر کترینہ کیف کی بہن ایزابیل کی تصویر موجود ہے۔
اس سے قبل بلال سعید نے اپنا پنجابی گیت مٹی دا کھڈونااکتوبر2021میں ریلیز کیاتھا،گیت کی ویڈیو کیلئے ہدایتکاری عدنان قاضی نے کی ہے جس میں منزہ راجپوت اور بلال سعید دونوں نے اداکاری کی۔
مزید پڑھیں:میری بلال سعید کے ساتھ موسیقی پر کام کی کوشش ناکام رہی۔آئمہ بیگ
