گوگل نیوز پر ہمیں فالو کریںنیو یارک: وزیر خارجہ شاہ محمود قریشی نے کہا ہے کہ مقبوضہ جموں کشمیر بین الاقوامی طور پر تسلیم شدہ تنازعہ ہے اور مسئلۂ کشمیر اقوامِ متحدہ کے ایجنڈے پر 70 سال سے موجود ہے۔
سماجی رابطے کی ویب سائٹ ٹوئٹر پر اپنے پیغام میں وزیر خارجہ شاہ محمود قریشی نے کہا کہ گزشتہ 7 عشروں سے اقوامِ متحدہ کے ادارے سلامتی کونسل کے ایجنڈے میں مقبوضہ کشمیر شامل ہے۔
اپنے پیغام میں وزیر خارجہ شاہ محمود قریشی نے کہا کہ آج ہونے والی گفتگو نے ایک بار پھر واضح کردیا کہ مقبوضہ کشمیر عالمی سطح پر متنازعہ علاقہ تسلیم کیا گیا جس کا حل ضروری ہے۔
وزیر خارجہ شاہ محمود قریشی نے کہا کہ مسئلۂ کشمیر کا حل اقوامِ متحدہ کے ادارے سلامتی کونسل کی قراردادوں کے مطابق جلد سے جلد ضروری ہے جس میں مظلوم کشمیریوں کی خواہشات کو مدنظر رکھا جائے۔
Occupied J&K is an internationally recognized dispute that has been on the agenda of UNSC for 7 decades. Today’s discussions have once again reaffirmed its Int'l dispute status and the urgency to resolve it in accordance with UNSC resolutions & aspirations of the Kashmiri people. https://t.co/3LswvCxXYl
— Shah Mahmood Qureshi (@SMQureshiPTI) January 16, 2020
شاہ محمود قریشی نے کہا کہ میں نے آج سیکورٹی کونسل اور جنرل اسمبلی کے صدور کے ساتھ ساتھ اقوامِ متحدہ کے جنرل سیکریٹری انتونیو گوتریس سے بھی ملاقات کی۔
ملاقات کے حوالے سے وزیر خارجہ نے بتایا کہ انہوں نے 5 اگست سے جاری ظلم و ستم پر انسانی المیے کے خلاف عالمی برادری کو آواز اٹھانے پر زور دیا۔
یاد رہے کہ اس سے قبل وزیر خارجہ شاہ محمود قریشی نے اقوامِ متحدہ کے جنرل سیکریٹری سے گفتگو کرتے ہوئے کہا کہ ہم کسی نئی محاذ آرائی کے متحمل نہیں ہوسکتے۔
اقوامِ متحدہ کے جنرل سیکریٹری سے وزیر خارجہ شاہ محمود قریشی نے نیو یارک میں ملاقات کی۔ ملاقات کے دوران خطے کی مجموعی صورتحال پر بات چیت ہوئی۔ مستقل مندوب منیر اکرم بھی اس موقعے پر موجود تھے۔
مزید پڑھیں: وزیر خارجہ کی اقوامِ متحدہ سیکریٹری جنرل سے گفتگو
