کراچی، کل سے تیز ہواؤں کے ساتھ موسلادھار بارش کی پیشگوئی

کراچی: محکمہ موسمیات نے کراچی میں کل سے تیز ہواؤں کے ساتھ موسلاھار بارش کی پیش گوئی کردی ہے۔

چیف میٹرولوجسٹ سردارسرفراز کے مطابق شہر میں 24 اگست یا 25 اگست کی شام یا رات کے دوران بارش کا امکان ہے، جس سے شہر میں کہیں معتدل تو کہیں تیز بارش ہوسکتی ہے۔

چیف میٹرولوجسٹ سردار سرفراز نے بتایا کہ مون سون سسٹم مشرقی راجستھان پر موجود ہے، اس سسٹم کے زیر اثر مشرقی سندھ میں آج بارش ہوسکتی ہے۔

دوسری جانب بارش کے اس نئے سلسلے کے دوران دریائے سندھ اور کابل میں اونچے درجے کا سیلاب آنے کا امکان ہے۔

یہ بھی پڑھیں:

پیمرا کو اے آروائی نیوز کی نشریات فوری بحال کرانے کا حکم

اس حوالے سے فلڈ فور کاسٹنگ ڈویژن نے الرٹ جاری کرتے ہوئے کہا کہ دریائے سندھ میں ڈی جی خان اور تونسہ شریف میں رودھ کوہیاں اور اونچے درجے کا سیلاب آنے کا امکان ہے۔

جاری کردہ الرٹ کے مطابق دریائے سندھ میں ڈی جی خان اور تونسہ شریف میں رودھ کوہیاں اور اونچے درجے کا سیلاب آنے کا امکان ہے۔

بارشوں سے دریائے سندھ اور دریائے کابل سے متصل نہروں، راجبائوں سمیت ندی نالوں میں شدید طغیانی کا امکان ہے جبکہ اپر اور وسطی سندھ کے علاقوں میں ہیوی بارشوں کا امکان ہے جس سے ان علاقوں میں سیلابی کیفیت پیدا ہو سکتی ہے۔

علاوہ ازیں سرگودھا، اسلام آباد، راولپنڈی، گوجرانوالہ، ڈویژن سمیت جنوبی پنجاب ، پشاور، کوہاٹ، بنوں اور ڈی آئی خان میں بھی شدید بارشوں کا امکان ہے۔

فلڈ فور کاسٹنگ ڈویژن کے مطابق بارشوں سے دریائے روای، دریائے جہلم، دریائے چناب اور دریائے ستلج میں پانی کی سطح بلند اور بہائو بڑھ سکتا ہے۔