کراچی میں کورونا وائرس کے خدشات، صنعتی علاقوں میں ملازمین کی اسکریننگ شروع

کراچی :  کورونا وائرس کے خدشات کے پیش نظر سندھ حکومت کی اقدامات تیز کردیئے گئے ہیں، شہر قائد کے صنعتی زونز میں ملازمین کا ڈیٹا جمع کرنے کے ساتھ ساتھ اسکریننگ کا عمل شروع کردیا ہے۔

سندھ حکومت کی لیبر ڈپارٹمنٹ کے شعبہ صحت وماحولیات کی جانب سے کورنگی ، لانڈھی اور کراچی کے تمام صنعتی زونز میں فیکٹریوں ، ملوں اور دفاتر میں کام کرنے والے ملازمین کے کوائف جمع کئے جارہے ہیںاور ان کا آڈٹ کیا جارہا ہے۔

مزید پڑھیں:ملک میں 13 لیبارٹریاں کورونا کی تشخیص کے لیے فعال، کیسز 52 ہو گئے۔ظفر مرزا

شعبہ صحت و ماحولیات کی ٹیمیں صنعتی علاقوں میں کام کرنے والے ملازمین میں  کورونا وائرس کے حوالے سے اسکریننگ کررہے ہیں اور مشتبہ افراد کو مختلف اسپتالوں میں بھیجا جارہا ہے۔

واضح رہے کہ گزشتہ دنوں  اینگرو کمپنی میں کورونا وائرس کا مشتبہ مریض سامنے آنے کے بعد کمپنی کو چند روز کیلئے بند کردیا گیا تھا جبکہ کراچی میں آج مزید50 افراد میں کورونا وائرس کی تصدیق ہوئی ہے۔