گوگل نیوز پر ہمیں فالو کریںسرگودھا: تحریکِ انصاف کی سابق رکنِ اسمبلی کنول شوذب نے اپنے والد کی برسی پر دکھ بھرا بیان جاری کرتے ہوئے کہا ہے کہ اگر الفاظ درد بیان کرسکتے تو کتنے ہی استعمال کرلیتی۔
سماجی رابطے کی ویب سائٹ ایکس (سابق ٹوئٹر) پر اپنے پیغام میں صدر ویمن ونگ پی ٹی آئی کنول شوذب نے اپنے والد کو مخاطب کرتے ہوئے کہا کہ آج 12اکتوبر 2017 بروز جمعرات کو بوقت 3 بج کر 10 منٹ پر آپ اِس جہانِ فانی سے چلے گئے۔
نوازشریف عوام کو مشکلات سے نکلنے کا حل بتانے کیلئے آ رہے ہیں۔مریم نواز
ایکس (سابق ٹویٹر) پیغام میں کنول شوذب نے کہا کہ اگر الفاظ درد بیان کرسکتے تو میں نہ جانے کتنے ہی استعمال کر لیتی، بس اتنا کہنا ہے کہ آپ سب کو بتاتے تھے کہ میری یہ بیٹی میرے بغیر نہیں رہتی۔ مت پوچھیں کہ 6 سال کس طرح گزر گئے۔
سابق رکنِ اسمبلی کنول شوذب نے کہا کہ لوگ کہتے ہیں کہ وقت بڑا مرہم ہے مگر مجھ پر یہ مرہم اثر نہیں کرتا۔ اللہ تعالیٰ آپ کی قبر کو جنت کا باغ بنائے اور روزِ محشر تک آپ کی خوب مہمان نوازی فرمائے۔
https://twitter.com/KanwalMna/status/1712411918236029243
کنول شوذب نے اپنے والد کے حق میں دعا کرتے ہوئے کہا کہ اللہ تعالیٰ بروزِ قیامت آپ کے حساب کی سختیاں معاف فرمائے اور آپ کو اپنے برگزیدہ بندوں کے ساتھ ان جنتوں میں داخل کردے جن کے نیچے نہریں بہتی ہیں۔
