جمعیت علمائے اسلام صوبہ سندھ کے وفد نے ایم کیو ایم کے سینئر رہنما کنور نوید جمیل کے انتقال پر ایم کیو ایم مرکز بہادرآباد کا تعزیتی دورہ کیا۔

جے یوآئی رہنماؤں نے ایم کیو ایم کے مرکزی رہنماؤں رؤف صدیقی اور عبد الحسیب سے ملاقات کی، وفد کی قیادت جے یوآئی کے مرکزی ترجمان محمد اسلم غوری، صوبائی نائب امیر مولانا عبدالکریم عابد نے کی۔

یہ بھی پڑھیں:

وفد میں جے یوآئی سندھ کے ڈپٹی سیکریٹری اطلاعات مولانا سمیع الحق سواتی، بزنس فورم کے صدر حاجی امین اللہ، مولانا سید حماداللہ شاہ، شرف الدین اندھڑ ودیگر شامل تھے۔ اس موقع پر ایم کیو علماء ونگ کے ذمہ داران بھی موجود تھے۔
جے یوآئی رہنماؤں نے ایم کیو ایم کے مرحوم رہنما کنور نوید کے انتقال پر اظہار تعزیت کرتے ہوئے مرحوم کے درجات کی بلندی اور پسماندگان کیلئے صبر جمیل کی دعا کی۔