گوگل نیوز پر ہمیں فالو کریںپاکستانی شوبز انڈسٹری کی مشہورومعروف اداکارہ و ٹی وی میزبان جگن کاظم پر سوشل میڈیا صارفین نے متنازعہ مارننگ شو کرنے پر شدید تنقید کی ہے۔
تفصیلات کے مطابق جگن کاظم کے براہِ راست (لائیو) شو میں ایک سیگمنٹ کے دوران متعدد جوڑوں کو گیم کے نام پر لٹکے ہوئے سیب کھانے پر مجبور کیا گیا جس کا ویڈیو کلپ دیکھتے ہی دیکھتے سوشل میڈیا پر وائرل ہوگیا ہے۔
View this post on Instagram
مارننگ شو کی سوشل میڈیا پر حال ہی میں وائرل ہوجانے والی ویڈیو دیکھنے کے بعد جگن کاظم کو سوشل میڈیا صارفین نے بھرپور تنقید کا نشانہ بنایا اور اسلامی اقدار کی پامالی اور حیا سوز ویڈیو بنانے کا الزام بھی عائد کیا۔
خیال رہے کہ گزشتہ برس معروف اداکارہ و ٹی وی میزبان جگن کاظم کے گھر بیٹی کی پیدائش ہوئی جس کی خبر انہوں نے سوشل میڈیا پر شیئر کی جگن کاظم نے بیٹی کی پیدائش پر خوشی کا اظہار اور مداحوں سے دعاؤں کی اپیل کی۔
اداکارہ جگن کاظم نے اپنی بیٹی کے ننھے سے ہاتھ کی تصویر انسٹاگرام پر شیئر کرتے ہوئے ان تمام لوگوں کا شکریہ ادا کیا جنہوں نے ان کے لیے دعائیں کیں اور اس دوران بچی کیلئے نیک تمناؤں کا اظہار کیا تھا۔
مزید پڑھیں: جگن کاظم کے گھر بیٹی کی پیدائش، پرستاروں کا نیک تمناؤں کا اظہار
