گراؤنڈ میں کراؤڈ کے بغیر کھیلنے کا مزہ نہیں آتا،شاہد آفریدی

ابو ظہبی:سپر اسٹار سابق کپتان شاہد آفریدی کا کہنا ہے کہ گراؤنڈ میں کراؤڈ کے بغیر کھیلنے کا مزہ نہیں آتا۔کراؤڈکے ہونے سے میچ میں جان پڑ جاتی ہے۔

شاہد آفریدی نے کہا کہ تماشائیوں کی گراؤنڈ میں موجودگی اور بوم بوم کی آوازیں میرے اعتماد اور جوش وخروش میں اضافہ کرتی ہیں اور کھیل کا مزا ہی کچھ اور ہوتا ہے۔

انہوں نے کہا کہ ٹی ٹین لیگ کے اپنے پہلے ہی میچ میں مین آف دی میچ کا ایوارڈ پانے والے بوم بوم شاہد آفریدی نے کہا کہ شیخ زید اسٹیڈیم میں کھیلتے ہوئے کراؤڈ کے روایتی شور اور تالیوں کی کمی محسوس کررہا ہوں۔

شاہد آفریدی نے کہا کہ اگر یہ پرفارمنس کراؤڈ کے سامنے ہوتی تو زیادہ انجوائے کرتا۔ انہوں نے کہا کہ ٹی ٹین فارمیٹ سے ہر ملک میں کرکٹ کو فروغ دینے میں مدد مل سکتی ہے۔

سابق کپتان نے کہا کہ ٹی ٹین فارمیٹ کراؤڈ کے لیے یہ زبردست انٹرٹینمنٹ بھی ہے۔ ایک ہی وقت میں بہت سارے اسٹارز کو ایکشن میں دیکھنے کا موقع ملتا ہے۔

انہوں نے کہا کہ میچز بھی بہت کانٹے دار ہوتے ہیں۔شاہد آفریدی کے مطابق ٹی ٹین فارمیٹ اور ٹی ٹوئنٹی فارمیٹ دونوں کی اپنی اپنی اہمیت ہے۔ دونوں فارمیٹ کھیلنے اور دیکھنے کا اپنا ہی مزہ ہے۔