گوگل نیوز پر ہمیں فالو کریںحماس اسرائیل جنگ اور حملوں کا سلسلہ جاری ہے۔ اسرائیلی فوج نے حماس پر الزامات عائد کرتے ہوئے غزہ کی بندرگاہ کا کنٹرول سنبھالنے کا دعویٰ کیا ہے۔
تفصیلات کے مطابق اسرائیلی فوج نے دعویٰ کیا کہ اسرائیل نے غزہ بندرگاہ کا کنٹرول سنبھال لیا ہے۔غیر ملکی خبر رساں ادارے کا کہنا ہے کہ اسرائیلی فوج غزہ بندرگاہ کا کنٹرول مکمل طور پر حاصل کرچکی ہے۔
حماس کی آڑ میں اسرائیل کے ہاتھوں فلسطینیوں کی نسل کشی، بھارت کا کیا کردار ہے؟
اسرائیلی فوج نے حماس پر الزامات لگاتے ہوئے کہا کہ حماس غزہ کی بندرگاہ کو دہشت گردی کیلئے استعمال کررہی تھی۔ ترجمان اسرائیلی فوج ڈینیل ہاگری کے جاری بیان میں کہا گیا کہ المرسی کی عمارات کلیئر کی جارہی ہیں۔
سلامتی کونسل میں غزہ کے حق میں قرارداد منظور
ترجمان اسرائیلی فوج نے کہا کہ آپریشن میں تمام فورسز شریک ہیں۔ اسرائیل نے بندرگاہ کے علاقے کا کنٹرول سنبھالتے ہوئے تمام عمارات ”کلیئر“ کردیں۔ فورسز نے حماس کے 10 مجاہدین کو شہید کرنے کا بھی دعویٰ کردیا۔
اسرائیلی فوج کا کہنا ہے کہ 4عمارات اور 10سرنگوں کی گزرگاہوں کو تباہ کردیا گیا کیونکہ وہ دہشت گردی کے بنیادی انفراسٹرکچر میں شامل تھیں۔ حماس بندرگاہ کو دہشت گردی اور بحری افواج کی تربیت کیلئے استعمال کرتی تھی۔
جنوبی غزہ کی پٹی میں اسرائیلی فضائیہ کی جانب سے خان یونس کے مشرقی علاقوں میں رات کے وقت گرائے گئے پمفلٹس میں علاقہ مکینوں کو فوجی کارروائی سے قبل فوری علاقہ خالی کرنے کا کہا گیا ہے۔
BREAKING: Israel is currently dropping bombs on Syria (Damascus), Gaza and South Lebanon.
Only Israel can bomb 3 different countries in a single day, and the “international community” won’t even blink.
— sarah (@sahouraxo) November 16, 2023
غزہ پر وحشیانہ بمباری کے ساتھ ساتھ اسرائیل کی جانب سے دیگر ممالک میں دخل اندازی کا سلسلہ بھی جاری ہے۔ اب سے 5 گھنٹے قبل اسرائیل نے شام کے شہر دمشق اور جنوبی لبنان میں بھی بمباری کی۔
