راولپنڈی: پاک فوج کے شعبۂ تعلقاتِ عامہ (آئی ایس پی آر) نے کہا ہے کہ راشد منہاس شہید نے پاک فضائیہ کی اعلیٰ روایات کے تحت وطن کی خدمت کی، ان کی قربانیوں کو ہمیشہ یاد رکھا جائے گا۔
سماجی رابطے کی ویب سائٹ ٹوئٹر پر اپنے پیغام میں ڈائریکٹر جنرل آئی ایس پی آر نے کہا کہ آج ہم پائلٹ آفیسر راشد منہاس شہید کی فرض کی راہ میں اعلیٰ قربانی کو یاد کر رہے ہیں جنہوں نے نشانِ حیدر کا اعزاز پایا۔
پیغام میں پاک فوج کے شعبۂ تعلقاتِ عامہ (آئی ایس پی آر) نے کہا کہ پائلٹ آفیسر راشد منہاس شہید پاک فضائیہ کی عظیم روایات کے تحت وطن کی خدمت کی۔ قوم کو ان پر فخر ہے۔
Today we remember supreme sacrifice of Pilot officer Rashid Minhas Shaheed (Nishan-e -Haider) in the line of duty. Pilot officer Rashid Minhas lived up to great traditions of Pakistan Air Force serving the motherland.#OurMartyrsOurHeroes
— DG ISPR (@OfficialDGISPR) August 19, 2020
یاد رہے کہ نشانِ حیدر کا اعزاز پانے والے پاکستان کے کمسن ترین پائلٹ آفیسر راشد منہاس شہید کا 49واں یومِ شہادت آج منایا جارہا ہے جبکہ راشد منہاس شہید نے قوم کا سر فخر سے بلند کردیا۔
صرف 20 سال کی عمر میں راشد منہاس شہید نے وہ اعزاز پایا جس کے باعث انہیں رہتی دنیا تک یاد رکھا جائے گا جبکہ راشد منہاس شہید 1951ء میں پیدا ہوئے اور آپ نے 20 اگست 1971ء کو شہادت پائی۔
مزید پڑھیں: کمسن پائلٹ آفیسرراشد منہاس کا یومِ شہادت آج منایا جارہا ہے