گوگل نیوز پر ہمیں فالو کریںسائنس فکشن ہارر ڈرامہ ’اسٹرینجر تھنگز‘ کی اداکارہ ملی بوبی براؤن نے کہا ہے کہ وہ بہت جلد سیریز کو الوداع کہنے والی ہیں۔
حال ہی میں ایک انٹرویو کے دوران ملی بوبی نے اسٹرینجر تھنگز کے بارے میں گفتگو کی، انہوں نے کہا کہ مجھے ایسا لگتا ہے کہ اسٹرینجر تھنگز کی وجہ سے میں دوسرے پراجیکٹس نہیں کرپارہی، جس کی وجہ یہ بھی ہے کہ اس سیریز کی عکس بندی میں بہت وقت لگتا ہے اور اسی لئے یہ میرا آخری سیزن ہوگا۔
واضح رہے کہ ہالی ووڈ کی ہڑتال کی وجہ سے اسٹرینجر تھنگز کے پانچویں سیزن کی عکس بندی تاخیر کا شکار ہوئی تھی، تاہم اب ایسی امید کی جارہی ہے کہ جلد اس کی عکس بندی شروع ہوجائے گی اور اسے 2026 میں ریلیز کیا جاسکتا ہے۔
1980 کی دہائی میں بنیادی طور پر ہاکنز، انڈیانا کے افسانوی قصبے میں قائم، یہ سلسلہ قصبے کے ارد گرد رونما ہونے والے متعدد مافوق الفطرت واقعات کے گرد مرکز ہے، خاص طور پر اس کے اور زمین کے درمیان ایک ربط کے بعد ایک مخالف متبادل حقیقت سے ان کے تعلق کے گرد۔ ایک سرکاری بچوں کے تجرباتی سہولت کے ذریعہ بنایا گیا ہے۔
خیال رہے کہ اسٹرینجر تھنگز کو اصل میں مونٹاؤک کہا جاتا ہے، یہ ایک امریکی ملٹری پروگرام دی مونٹاؤک پروجیکٹ سے متاثر ہے، جس میں بچوں پر دماغ پڑھنے، دماغ پر قابو پانے اور وقت کا سفر کرنے والے تجربات شامل ہیں۔
