گوگل نیوز پر ہمیں فالو کریںبالی وُڈ کی بیبو گرل کرینہ کپور خان نے اپنے پرانے ڈائیلاگ کو ایک مرتبہ پھر سے دہرا دیا ہے۔
فوٹو اینڈ ویڈیو شیئرنگ پلیٹ فارم انسٹاگرام پر ویلنٹائن ڈے کے موقع پر منگل کے روز کرینہ کپور خان نے پوسٹ کے ذریعے پیغام دیا اور کہا کہ ’میں اپنی فیورٹ ہوں۔‘
کرینہ کپور نے پوسٹ میں بالی وُڈ کے معروف فیشن ڈیزائنر منیش ملہوترا کی گلابی رنگ کی ساڑھی زیب تن کی ہوئی ہے اور اس کے ساتھ انہوں نے ہیرے سے بنے ہوئے جُھمکے اور انگوٹھی بھی پہنی ہوئی ہے۔
’میں اپنی فیورٹ ہوں‘ کرینہ کپور اور شاہد کپور کی سپر ہٹ فلم ’جب وی میٹ‘ کا ڈائیلاگ ہے۔
سنہ 2007 میں ہدایتکار امتیاز علی کی ریلیز ہونے والی رومانوی اور کامیڈی نوعیت کی اس فلم کی کہانی اور گیت ادتیہ نامی لڑکی اور لڑکے کے گرد گھومتی ہے جو ٹرین کے سفر کے دوران ایک دوسرے سے ملتے ہیں اور پھر اُنہیں محبت ہو جاتی ہے۔
View this post on Instagram
جب وی میٹ کو 16 سال بعد مخصوص وقت کے لیے اِس ویلنٹائن ڈے کے موقع پر ایک مرتبہ پھر سے سنیما گھروں میں نمائش کے لیے پیش کیا جا رہا ہے۔
کرینہ کپور خان کچھ روز قبل بالی وُڈ کے نوبیاہتا جوڑے کیارا اڈوانی اور سدھارتھ ملہوترا کی شادی کی استقبالیہ کی تقریب میں بھی شریک ہوئی تھیں جہاں انہوں نے یہی گلابی ساڑھی پہنی ہوئی تھی۔
کیارا اڈوانی اور کرینہ کپور 2019 میں پہلی مرتبہ کامیڈی فلم ’گڈ نیوز‘ میں ایک ساتھ نظر آئی تھیں۔ اس فلم میں اکشے کمار اور دلجیت دوسانجھ نے مرکزی کردار ادا کیا تھا۔
ڈیزائنر منیش ملہوترا نے ڈائیلاگ میں اپنی فیورٹ ہوں پر تبصرہ کیا کہ ’اور ہم سب کی بھی۔‘
اداکارہ نیہا دھوپیا نے کہا کہ ’کیا زبردست کیپشن ہے۔‘
شھوبھت شرف کہتے ہیں کہ ’بے شک جتنی مرضی ہیرویئنز آجائیں، بیبو میڈم جیسا رُوپ کسی کا نہیں ہو سکتا۔‘
