گوگل نیوز پر ہمیں فالو کریںپاکستانی گیتوں کی دھڑا دھڑ نقول تیار کرنے میں ماہر بالی ووڈ انڈسٹری کیلئے چربہ سازی کوئی نیا کام نہیں رہا، بھارتی گلوکار نے پاکستانی فنکار عالمگیر کے گیت کا چربہ تیار کر لیا ہے جس پر سوشل میڈیا صارفین نے شدید تنقید کی۔
تفصیلات کے مطابق بھارتی گلوکار دھوانی بھانوشالی نے حال ہی میں اپنا گیت مہندی ریلیز کیا ہے جس کی دھن عالمگیر کے گیت گاگر سے متاثر ہے جس کے بول ہیں: میں نے تمہاری گاگر سے کبھی پانی پیا تھا، پیاسا تھا میں، یاد کرو۔
پاکستانی گلوکار عالمگیر نے یہ گیت آج سے کم و بیش 40 برس قبل 80 کی دہائی میں گایا جس کی دھن 2021 میں چوری کی جارہی ہے۔ یو ٹیوب پر مہندی نامی گیت کی ویڈیو کو ریلیز کے 2 روز کے اندر اندر 2 کروڑ سے زائد صارفین نے دیکھ لیا۔
https://www.youtube.com/watch?v=cH-69-I6CQ0
قبل ازیں پاکستانی گلوکار عمیر جیسوال بھی عالمگیر کا یہی گیت گاگر گا کر مداحوں سے داد وصول کرچکے ہیں جو انہوں نے ویلو ساؤنڈ اسٹیشن کے سیزن 1 میں گایا۔ فوٹو شیئرنگ پلیٹ فارم انسٹا گرام پر عمیر جسوال نے بھی گانا چوری ہونے کی تصدیق کردی ۔
دلچسپ بات یہ ہے کہ بھارتی گلوکار کے ڈوئٹ سانگ مہندی کے بول اور زبان بھی گاگر کے مقابلے میں بالکل مختلف ہے لیکن دھن مکمل طور پر گاگر سے مماثل ہے جس پر سوشل میڈیا صارفین نے بھارتی گلوکار پر بھرپور تنقید کرتے ہوئے گانے کو چربہ قرار دے دیا۔
عمیر جسوال نے اپنے انسٹا گرام پیغام میں ویلو ساونڈ اسٹیشن اور بھارتی گلوکار کو ٹیگ کر کے چلیں یہ بھی ٹھیک ہے لکھ کر عالمگیر کا گیت چوری ہونے کے متعلق اپنے غم و غصے کا اظہار کیا جبکہ عالمگیر کا یہ گیت 80 کے علاوہ 90 کی دہائی میں بھی مقبول رہا۔
یہ بھی پڑھیں: میری شادی میں کورونا ایس او پیز کی سخت پابندی ہوگی۔عثمان مختار
