سعودیہ عرب اور متحدہ عرب امارات سمیت کونسے ممالک میں آج عید منائی جارہی ہے؟

سعودی عرب، متحدہ عرب امارات اور خلیجی ممالک میں عیدالفطر آج مذہبی جوش و خروش کے ساتھ منائی جائے گی۔

بین الاقوامی میڈیا کے مطابق برطانیہ اور فرانس میں بھی آج پیر کو عید منائی جا ئے گی، طویل عرصے بعد برطانیہ میں ایک ساتھ عید منانے پر کمیونٹی کے لوگ بہت زیادہ خوش ہیں۔

اسی کے ساتھ ساتھ امریکا اور کینیڈا میں مقیم مسلمانوں نے ایک ہی دن پیر 2 مئی کو عید منانے کا اعلان کیا جبکہ مسلم کلینڈر پر عمل کرنے والی تنظیمیں پہلے ہی 2 مئی کو عیدمنانے کا اعلان کرچکی ہیں۔

دوسری جانب چاند رات پر ملک کے بیشتر بازاروں میں خواتین کا بہت زیادہ رش رہا، خواتین کی ایک بڑی تعداد کی چوڑیوں اور مہندی میں دلچسپی نظر آئی۔

یہ بھی پڑھیں: سابق خاتون اول کی دوست بشری بی بی کا کیس نیب کے دائرہ اختیار میں آتا ہے، نیب

خیال رہے کہ پاکستان،  بھارت، بنگلا دیش اور سری لنکا میں عیدالفطر منگل 3 مئی کو ہوگی۔

مزید برآں  پشاور میں مفتی شہاب الدین پوپلزئی کی زیر صدارت غیرسرکاری رویت ہلال کمیٹی نےعید الفطر کا اعلان کیا جس کے بعد صوبائی حکومت نے بھی سرکاری طور پر عید منانے کا فیصلہ کیا ہے۔ رواں سال بھی ملک میں دو عیدیں منائی جائیں گی۔

یاد رہے کہ مرکزی رویت ہلال کمیٹی نے ملک میں چاند نظر نہ آنے اور 3 مئی کو عید الفطر کا اعلان کیا ہے۔