ترکیہ میں کرپٹو کرنسی کا بانی 2 ارب ڈالرز لے کر فرار ہوگیا

استنبول: ترکیہ میں کرپٹو کرنسی کا بانی سرمایہ کاروں کے 2 ارب ڈالرز لے کر فرار ہوگیا۔

تفصیلات کے مطابق ترکی میں کرپٹو کرنسی کا بانی سرمایہ کاروں کے دو ارب ڈالرز کے ساتھ فرار ہوگیا ہے۔ ترک پراسیکیوٹرز نے اس بارے میں بڑے پیمانے پر تحقیقات شروع کردی ہیں۔

تھوڈیکس ایکسچینج نے ایک پُراسرار پیغام کے ساتھ ٹریڈنگ 5 دنوں کے لئے معطل کر دی ہے۔

یہ بھی پڑھیں:

کرپٹوکرنسی پلیٹ فارم کو برطانیہ میں صارفین کی مالیاتی خدمات کی منظوری مل گئی

ترکی کے سیکیورٹی حکام نے مفرور فاروق فتحی اوزر کی تصویر جاری کی ہے۔ جس پر دو ارب ڈالرز کے اثاثوں کے ساتھ فرار ہو جانے کا الزام ہے۔

میڈیا رپورٹس کے مطابق مفرور فاروق فتحی اوزر استنبول سے البانیہ یا تھائی لینڈ فرار ہوگیا ہے۔ اس کی عمر 27 اور 28 سال کے درمیان بتائی جاتی ہے۔