ضلع ہری پور میں بجلی کا بل زیادہ آنے پر آپسی جھگڑے میں 8بھائی قتل

ہری پور:خیبر پختونخوا کے ضلع ہری پور میں بجلی کے بل پر جھگڑا،8سگے بھائیوں نے ایک دوسرے کو فائرنگ کرکے قتل کردیا۔

تفصیلات کے مطابق ہری پور میں رہائش پذیر افغان خاندان میں خوفناک جھگڑا ہوا، 8 فیملیز ایک ہی جگہ رہائش پذیر تھیں، بجلی کا بل تقریبا ًایک لاکھ سے زائد آیا،جس پربحث و تکرار شروع ہوئی۔

8 بھائیوں نے آپس میں ایک دوسرے پر الزام لگایا کہ تم نے زیادہ بجلی استعمال کی ہے،اس لیے تم زیادہ بل بھرو گے،اسی طرح یہ بحث جھگڑے میں بدل گئی،پہلے ایک دوسرے کو لاتوں گھونسوں مکوں سے مارا گیا۔

عینی شاہدین کا کہنا ہے کہ مذکورہ افراد افغان شہری ہیں اور ایک ہی جگہ رہتے ہیں،شور شرابہ سن کر اہل باہر آئے تو دیکھا کہ8 بھائیوں کے ہاتھوں میں جدید ترین آتشیں اسلحہ تھا اور ایک دوسرے کو گالیاں دے رہے تھے۔

پھر اچانک سے سے فائرنگ کا سلسلہ شروع ہوا،سگے بھائی ایک دوسرے پر گولیاں برساتے رہے،8 بھائیوں نے ایک دوسرے فائرنگ کرکے قتل کردیا۔ پولیس نے لاشوں کو پوسٹ مارٹم کے لیے ڈی ایچ کیو اسپتال ہریپور منتقل کردیا ہے اور ضروری کارروائی مکمل کرلی ہے۔