گوگل نیوز پر ہمیں فالو کریںلاہور: چیئرمین پی ٹی آئی عمران خان نے اسلام آباد پولیس کے ہاتھوں اپنے کارکنان کی گرفتاری پر احتجاج کرتے ہوئے کہا ہے کہ ایسے ہتھکنڈے کام نہیں کریں گے۔
سماجی رابطے کی ویب سائٹ ٹوئٹر پر اپنے پیغام میں چیئرمین پاکستان تحریکِ انصاف عمران خان نے کہا کہ ہمارے کارکن پرامن طور پر اپنی گاڑیوں میں بیٹھے ہوئے تھے اور اس دوران اسلام آباد پولیس نے ریاستی جبر کا مظاہرہ کیا۔
عدالت نے عمران خان کو کل طلب کر لیا
ٹوئٹر پیغام میں عمران خان نے کہا کہ پولیس نے ہمارے کارکنان کو گاڑیوں سے باہر نکالا اور لے گئے۔ یہی وجہ ہے کہ حکومت چاہتی ہے کہ انتخابات میں تاخیر ہو۔ انہیں لگتا ہے کہ وہ جیل کا خوف دلا کر اور ہراساں کرکے پی ٹی آئی کو توڑ سکتے ہیں۔ ایسے ہتھکنڈے کام نہیں کریں گے۔
Our workers were sitting in their vehicles peacefully when ICT police in brazen display of State oppression pulled them out & took them away. This is why they want elections to be delayed because they feel they can break PTI by then, through fear of jail & harassment. Won't work. pic.twitter.com/KJicVW2jVw
— Imran Khan (@ImranKhanPTI) April 28, 2023
اپنے پیغام کے ہمراہ ثبوت کے طور پر عمران خان نے اسلام آباد پولیس کی جانب سے پی ٹی آئی کارکنان کو گرفتار کرکے لے جانے کی ویڈیو بھی شیئر کردی۔ پولیس کی جانب سے تاحال کارکنان کی گرفتاری کی تصدیق یا تردید نہیں کی گئی۔
خیال رہے کہ اس سے قبل سول عدالت نے لانگ مارچ ہنگامہ آرائی کیس کی سماعت کے سلسلے میں چیئرمین تحریکِ انصاف و سابق وزیر اعظم عمران خان کو کل طلب کر لیا۔
سول عدالت نے تھانہ سہالہ میں درج مقدمے کی سماعت کیلئے عمران خان کو ذاتی حیثیت میں 29 اپریل کے روز طلب کیا جس کا نوٹس عمران خان کی رہائش گاہ زمان پارک بھیج دیا گیا تھا۔
