گوگل نیوز پر ہمیں فالو کریںپاکستان ڈیموکریٹک موومنٹ (پی ڈی ایم) کا سربراہی اجلاس جاری ہے جس میں اتحادی حکومت کے سینیئر رہنما شریک ہیں۔
ذرائع کے مطابق مولانا فضل الرحمان کی زیر صدارت پی ڈی ایم سربراہی اجلاس میں اختر جان مینگل، طاہر بزنجو، میر کبیر شاہی شریک ہیں۔
ذرائع کا کہنا ہے کہ پی ڈی ایم اجلاس میں وزیراعظم شہباز شریف، نواز شریف اور مریم نواز بھی بذریعہ ویڈیو لنک شریک ہیں۔
یہ بھی پڑھیں:
عمران خان چور ثابت ہوگیا، تخریب کاری کی تو کچل کر رکھ دینگے، مولانا فضل الرحمن
سربراہی اجلاس میں پیٹرولیم مصنوعات کی قیمتوں اور عوام کو ریلیف دینے کے بارے میں تبادلہ خیال جاری ہے۔
ذرائع کے مطابق اجلاس میں عمران خان کی نا اہلی سے پیدا شدہ صورتحال اور پی ٹی آئی کے ممکنہ لانگ مارچ کو روکنے سے متعلق حکمت عملی پر غور کیا جا رہا ہے۔
خیال رہے کہ الیکشن کمیشن نے عمران خان کو توشہ خانہ ریفرنس میں نا اہل قرار دے دیا ہے جس کے بعد پی ٹی آئی کارکنان نے ملک کے مختلف حصوں میں احتجاج کر رہے ہیں۔
