گوگل نیوز پر ہمیں فالو کریںاسلام آباد: انٹرنیشنل مانیٹری فنڈ (آئی ایم ایف) نے تنخواہ دار اور غیر تنخواہ دار طبقے پر ٹیکس بڑھانے کے ساتھ ٹیکس سلیب میں کمی کا مطالبہ کردیا ہے۔
آئی ایم ایف نے فیڈرل بورڈ آف ریونیو کو تنخواہ دار اور غیر تنخواہ دار طبقے کے تفاوت کو ختم کرنے کے لیے ٹیکس کا بوجھ دوگنا کرنے، سلیبس کی تعداد سات سے کم کر کے چار کرنے اور پرائیویٹ ایمپلائرز پر ٹیکس چھوٹ دینے کی تجویز دی ہے، آئی ایم ایف کا کہنا ہے کہ پنشنرز کو دیے جانے والے ریلیف کو ختم کیا جائے۔
آئی ایم ایف کے حکام کا کہنا ہے کہ اگر پرسنل انکم ٹیکس (پی آئی ٹی) سے متعلق تجاویز پر پوری طرح عمل کیا جاتا ہے تو اس سے جی ڈی پی ریونیو کا 0.5 فیصد اضافی ہو سکتا ہے جو کہ سالانہ بنیادوں پر 500 ارب روپے کے برابر ہے۔
رواں مالی سال میں ایف بی آر نے رواں مالی سال کے پہلے آٹھ ماہ (جولائی تا فروری) کے دوران تنخواہ دار طبقے سے اب تک 215 ارب روپے اکٹھے کیے ہیں۔
ایف بی آر تنخواہ دار طبقے سے تقریباً 300 ارب روپے وصول کر سکتا ہے تاہم یہ محکمہ چھوٹ اور دیگر ترجیحی ٹیکس علاج کو ختم کر کے اپنی آمدنی میں اضافہ کر سکتا ہے۔
