آپ فیس بک سے پیسے کمانا چاہتے ہیں تو یہ طریقہ جان لیجئے

سماجی رابطوں کی معروف ایپ فیسبک نے صارفین کو کمانے کا ایک بہترین موقع فراہم کردیا ہے۔

ویسے تو لاکھوں لوگ فیسبک سے پیسے کما رہے ہیں، لیکن سوشل میڈیا ویب سائٹ نے اپنے صارفین کو آن لائن پیسہ کمانے کا ایک نیا ذریعہ فراہم کیا ہے۔

رپورٹ کے مطابق فیسبک میں ایک نیا فیچر متعارف کرایا گیا ہے جس کے ذریعے صارفین فیس بک پر پبلک اسٹوریز ویوز کے ذریعے آمدنی حاصل کرسکتے ہیں۔

پیسے کمانے کا یہ نیا آپشن عالمی سطح پر آن لائن صارفین کے لیے متعارف کرایا گیا ہے جو فیس بک کانٹینٹ مونیٹائزیشن پروگرام کا حصہ ہیں۔

طریق کار

اس میں پیسے کمانے کا طریقہ یہ ہوگا کہ تخلیق کار اپنی روزمرہ کی زندگی سے متعلق مواد اسٹوری میں پوسٹ کریں گے اور پیسہ کمائیں گے۔

میٹا کے ایک ترجمان نے بتایا کہ اسٹوریز کے ذریعے کمانے کا موقع صارفین کو مواد کی پرفارمنس کی بنیاد پر ملے گا اور انہیں اس کے لیے ویوز کی کسی مخصوص حد کو حاصل کرنے کی بھی ضرورت نہیں ہوگی۔

اس نئے فیچر کا مقصد صارفین کی حوصلہ افزائی کرنا ہے تاکہ وہ سوشل میڈیا پلیٹ فارم کیلئے معیاری مواد تیار کر سکیں۔

فیس بک کانٹینٹ مونیٹائزیشن (Monetiazation) پروگرام میں شامل افراد کو اسٹوریز سے پیسے کمانے کیلئے کچھ بھی کرنے کی ضرورت نہیں وہ براہ راست اس کا حصہ بن چکے ہیں۔