گوگل نیوز پر ہمیں فالو کریںکراچی: شہر قائد میں منعقدہ آئیڈیاز دفاعی نمائش کے دوران سیکورٹی وجوہات کی بنا پر 19 نومبر سے 22 نومبر 2024 کے دوران صبح 7 بجے سے شام 7 بجے تک درج ذیل سڑکیں عارضی طور پر بند رہیں گی۔
عارضی طور پر بند راستے
1۔اسٹیڈیم فلائی اوور سے حسن اسکوائر اور حسن اسکوائر فلائی اوور سے نیشنل اسٹیڈیم تک دونوں فلائی اوورز بند رہیں گے۔
2۔اسٹیڈیم روڈ: آغا خان اسپتال سے حسن اسکوائر (سر شاہ سلیمان روڈ) کی طرف ٹریفک کی اجازت نہیں ہوگی۔
3۔ ڈالمیا روڈ: اسٹیڈیم سگنل سے حسن اسکوائر کی طرف دائیں جانب ٹریفک بند ہوگی۔
4۔یونیورسٹی روڈ: نیپا سے آنے والی ٹریفک کو ایکسپو سینٹر سے اسٹیڈیم کی طرف جانے کی اجازت نہیں ہوگی۔
متبادل راستے اور اہم ہدایات
عوام اور کمرشل گاڑیاں زحمت سے بچنے کے لیے متبادل راستوں کا استعمال کریں:
کارساز:
ہیوی اور کمرشل گاڑیوں کا شارع فیصل سے کارساز روڈ پر داخلہ ممنوع ہے۔ متبادل کے طور پر ڈرگ روڈ استعمال کریں۔
ملینیم مال:
ملینیم مال سے اسٹیڈیم روڈ پر ہیوی ٹریفک کا داخلہ بند ہوگا۔ نیپا، عسکری ، ڈرگ روڈ یا نیپا چورنگی کے راستے اختیار کریں۔
نیپا:
نیپا سے حسن اسکوائر تک ہیوی اور کمرشل ٹریفک کی اجازت نہیں ہوگی۔ متبادل کے لیے نیپا سے گلشن چورنگی یا ملینیم مال کی طرف راستہ اختیار کریں۔
جیل چورنگی:
جیل چورنگی سے حسن اسکوائر تک ٹریفک بند ہوگی۔ متبادل کے لیے شہید ملت روڈ یا تین ہٹی روڈ استعمال کریں۔
نیو ٹاؤن:
یونیورسٹی روڈ سے اندرون علاقے آنے والی ٹریفک کو اسٹیڈیم روڈ جانے کی اجازت نہیں ہوگی۔ اس ٹریفک کو پی پی چورنگی یا شہید ملت روڈ کی طرف موڑا جائے گا۔
لیاقت آباد نمبر 10:
لیاقت آباد نمبر 10 سے حسن اسکوائر جانے والی ٹریفک کی اجازت نہیں ہوگی۔ متبادل کے لیے تین ہٹی کی طرف راستہ اختیار کریں۔
سر شاہ سلیمان روڈ:
حسن اسکوائر سے نیشنل اسٹیڈیم روڈ دونوں اطراف عام ٹریفک کے لیے بند رہے گی۔ متبادل کے لیے غریب آباد سے شارع فیصل براستہ حسن اسکوائر اور نیپا کا راستہ اختیار کریں۔
اہم ہدایات
ٹریفک پولیس کا کہنا ہے کہ عوام سے درخواست ہے کہ قانون نافذ کرنے والے اداروں اور ٹریفک پولیس کے ساتھ تعاون کریں۔
گاڑیاں اور موٹر سائیکلیں سروس یا مین روڈز پر کھڑی نہ کریں۔
کسی بھی پریشانی کی صورت میں ٹریفک پولیس ہیلپ لائن 1915 پر رابطہ کریں۔
