وزیر اعظم عمران خان 5سال پورے کریں گے۔ہمایوں سعید کا نیک تمناؤں کا اظہار

پاکستانی شوبز انڈسٹری کے معروف اداکار ہمایوں سعید نے وزیر اعظم کیلئے نیک تمناؤں کا اظہار کرتے ہوئے کہا ہے کہ عمران خان وزارتِ عظمیٰ پر 5 سال پورے کریں گے۔

تفصیلات کے مطابق اپوزیشن اور حکومت کے مابین تحریکِ عدم اعتماد پر رسہ کشی جاری ہے۔ اگر تحریک کامیاب ہوگئی تو عمران خان وزیر اعظم کے عہدے پر برقرار نہیں رہ سکیں گے تاہم اداکار ہمایوں سعید نے وزیر اعظم سے یکجہتی کا اظہار کیا ہے۔

یہ بھی پڑھیں:

زاہد احمد کا دی کراؤن میں کردار ملنے پر ہمایوں سعید کیلئے اظہارِ تحسین

سماجی رابطے کی ویب سائٹ ٹوئٹر پر اپنے پیغام میں اداکار ہمایوں سعید نے کہا کہ میں اس وقت سے تحریکِ انصاف کے چیئرمین عمران خان کا مداح ہوں جب وہ کھلاڑی ہوا کرتے تھے اور آج بھی ان کی قیادت کی تعریف کرتا ہوں۔

Have been a fan of @ImranKhanPTI since he was a sportsman and still an admirer of his leadership. I wish and pray that he completes his tenure. May Allah bless him #AmarBilMaroof @FaisalJavedKhan @fawadchaudhry pic.twitter.com/NIhqqDtg0k

— Humayun Saeed (@iamhumayunsaeed) March 26, 2022

ٹوئٹر پیغام میں اداکار ہمایوں سعید نے تحریکِ عدم اعتماد کے خلاف پی ٹی آئی حکومت سے یکجہتی کا اظہار کرتے ہوئے کہا کہ میری خواہش اور دعا ہے کہ وزیر اعظم عمران خان اپنی مدت (5سال) پورے کریں اور اللہ تعالیٰ انہیں سرفراز فرمائے۔ 

خیال رہے کہ اس سے قبل معروف اداکار زاہد احمد نے سوشل میڈیا صارفین کی نیٹ فلکس سیریز دی کراؤن میں کردار ملنے پر تنقید پر ناپسندیدگی کا اظہار کرتے ہوئے مشہور فنکار ہمایوں سعید کو خراجِ تحسین پیش کیا ۔

 نیٹ فلکس سیریز دی کراؤن کے 5ویں سیزن میں ہمایوں سعید کو ڈاکٹر حسنات کا کردار ملنے کی خبر سوشل میڈیا پر2 ماہ قبل وائرل ہوئی جس پر بہت سے مداح خوش نظر آئے تاہم سکینہ سموں سمیت بعض شخصیات نے منفی تبصرے بھی کیے۔