گوگل نیوز پر ہمیں فالو کریںعالمی اسٹریمنگ پلیٹ فارم نیٹ فلکس پر فلمز اور سیریز کی صورت میں ناظرین و سامعین کیلئے دستیاب بے شمار مواد کو وقت گزاری کا بہترین ذریعہ قرار دیا جاسکتا ہے۔
شوز سے لے کر موویز تک نیٹ فلکس پر ہر قسم کی تفریحی ویڈیوز ہیں اورنومبر میں بھی اس قسم کا نیا مواد پیش کیا جائے گا جس کی تفصیل مندرجہ ذیل ہے:
لاکڈ اِن (نومبر 1)
لاکڈ ان 2023 کی ایک نفسیاتی تھرلر فلم ہے جس کی ہدایت کاری نور وازی نے کی ہے اور روون جوفی نےاسے تحریر کیا ہے۔اس کی کاسٹ میں فن کول، روز ولیمز، اور فامکے جانسن شامل ہیں۔
دی کِلر (نومبر 10)
اینڈریو واکر کی تحریر کردہ دی کلر ایک امریکی نفسیاتی ایکشن تھرلر فلم ہے جس کی کہانی الیکسس نولیٹ کے فرانسیسی ناول سے لی گئی ہے۔
فلم میں ایک قاتل کو دکھایا گیا ہے جس میں ایک مخصوص طرز زندگی ہے، وہ ہر قتل سے پہلے یوگا کرتا ہے، ثبوت کو ختم کرتا ہے اور اس عمل کو دوبارہ دہراتا ہے۔
بلیور2 (نومبر 17)
بیلیور 2 ایک جنوبی کوریا کی ایکشن کرائم فلم ہے جو 2018 کی فلم بیلیور کا سیکوئل ہے اور اس کی کاسٹ میں چو جن وونگ، چا سیونگ-وان، ہان ہیو جو، اوہ سیونگ-ہون، کم ڈونگ-ینگ، اور لی جو-ینگ شامل ہیں۔
اِن لو اینڈ ڈیپ واٹر (نومبر 16)
مذکورہ فلم میں جہاز کا سفر دکھایا جائے گا جس میں یلیسیما کا وفادار بٹلر سوگورو اور ایک پراسرار عورت جس کا نام چیزورو ہے، اس سفر کے دوران ایک قتل معمہ حل کرینگے۔
لیو (نومبر 17)
میوزیکل کامیڈی فلم کی کہانی ایک 74 سالہ چھپکلی پر مرکوز ہے جو فلوریڈا کے ایک ایلیمنٹری اسکول کے کلاس روم میں کئی دہائیوں سے مقیم ہے لیکن جب اسے معلوم ہوتا ہے کہ اس کے پاس زندہ رہنے کے لیے ایک سال باقی ہےتو وہ وہاں سے بھاگنے کا فیصلہ کرتی ہے۔
رسٹن (نومبر 17)
اگر کسی فلم کے بارے میں یہ کہا جائے کہ یہ آسکر کیلئے نامزد ہوسکتی ہے تو وہ رسٹن ہے جو کہ ایک دستاویزی فلم ہےجس میں ہم جنس پرستوں اور شہری حقوق کے کارکن بیئرڈ رسٹن کی زندگی اور کیریئر کا خاکہ پیش کیا گیا ہے، جس نے واشنگٹن میں 1963 کے مارچ کا اہتمام کیا۔
اس کی کاسٹ میں کولمین ڈومنگو کرس راک، گلین ٹرمین، آڈرا میکڈونلڈ، امل امین، گس ہالپر، جانی رامے، سی سی ایچ پاؤنڈر، مائیکل پوٹس، کیرا پیٹرسن، ایڈرین وارن، بل ارون اور ڈی وائن جوئے رینڈولف شامل ہیں۔
فیملی سوئچ (نومبر 30)
نومبر کے مہینے کا اختتام کامیڈی فلم فیملی سوئچ سے ہوگا جس کی کاسٹ جینیفر گارنر، ایڈ ہیلمس، بریڈی نون اورویڈنزڈے کی اسٹار ایما مائرز شامل ہیں۔
