گوگل نیوز پر ہمیں فالو کریںپاکستان تحریک انصاف کے لئے خیبر پختونخواہ سے ایک اور بری خبر سامنے آگئی، پی ٹی آئی کے سابق صوبائی وزیر نے پارٹی چھوڑنے کا اعلان کردیا۔
سابق صوبائی وزیر ڈاکٹر ہشام انعام اللہ خان نے پشاور میں پریس کانفرنس کرتے ہوئے پاکستان تحریک انصاف چھوڑنے کا اعلان کیا۔
ہشام انعام نے کہا کہ 9 مئی کو دہشتگردی کے واقعات کے بعد تحریک انصاف سے منسلک رہنا وطن سے بے وفائی ہوگی، نہیں چاہتا میرا نام غداروں کی فہرست میں آئے۔
سابق صوبائی وزیر گزشتہ 10 ماہ سے پی ٹی آئی چیئرمین عمران خان کے پاک فوج مخالف بیانیے پرنالاں تھے۔
مزید پڑھیں:پی ٹی آئی کے سابق ممبر صوبائی اسمبلی اجمل وزیر نے بھی پارٹی چھوڑ دی
واضح رہے کہ اس سے قبل اجمل وزیر نے بھی پی ٹی آئی کو خیر باد کہہ دیا ہے، پی ٹی آئی چنیوٹ کے ضلعی صدر ذوالفقارعلی شاہ بھی پی ٹی آئی کے عہدے اور بنیادی رکنیت سے مستعفی ہوگئے۔
