کراچی: پاکستان کرکٹ ٹیم کے فاسٹ بولر المعروف جنریٹر حسن علی قومی ٹیم کی انگلینڈ کے ہاتھوں سیریز میں شکست پر افسردہ ہوگئے۔
فاسٹ بولر حسن علی نے ٹوئٹر پر جاری پیغام میں لکھا کہ کچھ خبطی لوگوں کے گروپ کی جانب سے قومی کھلاڑیوں کے لیے اپنائے گئے رویے کی شدید مذمت کرتا ہوں۔
– We all play for 🇵🇰 , we play for our fans, but I highly condemn this behaviour towards national team players by a bunch of ignorant lunatics.
Don’t forget at the end we are on the same side. We collectively need to support & back our team and players ❤️ #PakistanZindabad
— Hassan Ali 🇵🇰 (@RealHa55an) October 3, 2022
انہوں نے کہا کہ ہم پاکستان کے لیے کھیلتے ہیں،ہم اپنے مداحوں کے لیے کھیلتے ہیں۔
قومی ٹیم کے فاسٹ بولر کا کہنا تھا کہ آخر میں یہ نہ بھولیں کہ ہم ایک ہی ملک سے ہیں، ہمیں مجموعی طور پر سپورٹ اور کھلاڑیوں سمیت ٹیم کو بیک کرنے کی ضرورت ہے۔
مزید پڑھیں:قومی کرکٹ ٹیم سہ فریقی سیریز کھیلنے کیلئے نیوزی لینڈ پہنچ گئی
واضح رہے کہ قومی ٹیم کے مڈل آرڈر بیٹر خوشدل شاہ کو انگلینڈ کے خلاف سیریز کے آخری میچ میں خراب کارکردگی کے باعث تلخ تجربے اور تنقید کا سامنا کرنا پڑا،خوشدل شاہ کے آؤٹ ہونے پر اسٹیڈیم میں موجود شائقین نے انہیں ڈریسنگ روم جاتا دیکھ کر پرچی پرچی کے نعرے لگائے تھے۔