گوگل نیوز پر ہمیں فالو کریںکوئٹہ: مستونگ میں جوتو کے مقام پر قومی شاہراہ پر ہونے والے دھماکے کے باعث جے یو آئی رہنما حافظ حمد اللہ سمیت 4افراد زخمی ہوگئے ہیں۔
تفصیلات کے مطابق دھماکہ جے یو آئی (ف) کے رہنما و سینیٹر حافظ حمد اللہ کی گاڑی کے نزدیک ہوا جس کی اطلاع ملنے کے بعد ریسکیو اہلکار اور قانون نافذ کرنے والے ادارے کے اہلکار جائے وقوعہ پر پہنچ گئے۔
کراچی میں اندھی گولی لگنے سے اسکول جانیوالی بچی جاں بحق، ملزم گرفتار
سینیٹر حافظ حمد اللہ سمیت زخمی افراد کو طبی امداد دینے کیلئے ریسکیو کارروائی کا آغاز ہوگیا۔ حافظ حمد اللہ کو کوئٹہ منتقل کیا جارہا ہے جبکہ دیگر زخمی نواب غوث بخش ہسپتال مستون منتقل کردئیے گئے۔
ترجمان جے یو آئی کا کہنا ہے کہ حافظ حمد اللہ معمولی زخمی ہیں، دھماکے میں ان کے گن مین اور دیگر 2 ساتھی بھی زخمی ہوئے ہیں۔ اویس انس نورانی نے کہا کہ حافظ حمد اللہ خطرے سے باہر ہیں جو جے یو آئی جلسے میں شرکت کیلئے جاتے ہوئے راستے میں دھماکے کا نشانہ بن گئے۔
جے یو آئی رہنما سینیٹر غفور حیدری نے دھماکے کے بعد جلسے کو ملتوی کرنے کا اعلان کردیا۔ وزیرِ داخلہ بلوچستان میر محمد زبیر جمالی نے حافط حمد اللہ پر مبینہ حملے کیلئے دھماکے کی مذمت کرتے ہوئے واقعے کی رپورٹ طلب کر لی ہے اور ہدایت کی کہ زخمیوں کی مدد کی جائے۔
