گوگل نیوز پر ہمیں فالو کریںاسلام آباد: وفاقی حکومت سابق وزیرِ اعظم اور ن لیگ کے تاحیات قائد میاں نواز شریف کی آل پارٹیز کانفرنس (اے پی سی) میں ممکنہ طور پر نشر ہونے والی تقریر کو روکنے کیلئے پر عزم ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم کے معاونِ خصوصی برائے سیاسی ابلاغ ڈاکٹر شہباز گِل نے کہا کہ اگر مفرور مجرم نواز شریف نے اے پی سی سے خطاب کیا اور اُن کا خطاب نشر ہوا تو ہم پیمرا اور دیگر قانونی آپشنز استعمال کریں گے۔
پیغام میں معاونِ خصوصی ڈاکٹر شہباز گِل نے کہا کہ یہ کس طرح ممکن ہے کہ ایک مفرور مجرم سیاسی سرگرمیوں میں شریک ہو اور عوام کو لیکچر دے۔ شریف خاندان جھوٹ کے علاوہ کچھ نہیں بول سکتا۔ شریف خاندان کے لوگ اتنے جھوٹے ہیں کہ بیماری پر بھی جھوٹ بولتے ہیں۔
اگر مفرور مجرم نواز شریف نے اے پی سی سے خطاب کیا اور ان کا خطاب نشر ہوا تو پیمرا اور دیگر قانونی آپشن استعمال ہوں گے۔ یہ کس طرح ممکن ہے کہ ایک مفرور مجرم سیاسی ایکٹیوٹییز کرے اور بھاشن دے-شریف خاندان جھوٹ کے علاوہ کچھ نہیں بول سکتا۔ اتنے جھوٹے ہیں کہ بیماری پر بھی جھوٹ بولتے ہیں۔
— Dr. Shahbaz GiLL (@SHABAZGIL) September 19, 2020
یاد رہے کہ اِس سے قبل سابق وزیراعظم میاں نواز شریف نے چیئرمین پیپلز پارٹی بلاول بھٹو زرداری کی جانب سے اپوزیشن کی آل پارٹیز کانفرنس (اے پی سی) میں ورچوئل شرکت کی دعوت قبول کرلی۔
پاکستان پیپلزپارٹی کے چیئرمین بلاول بھٹو زرداری کا گزشتہ روز سابق وزیراعظم نوازشریف سے رابطہ ہوا ۔بلاول نے اپنی ٹوئٹ میں بتایا کہ نوازشریف سے کچھ دیر پہلے بات ہوئی۔ میں نے ان سے خیریت دریافت کی۔
مزید پڑھیں: نواز شریف نے اے پی سی میں شرکت کی دعوت قبول کرلی
