پیٹرلیم مصنوعات کی قیمتیں بڑھانے کی سمری مسترد، قیمتیں برقرار رکھنے کا فیصلہ

اسلام آباد: رمضا ن المبارک میں عوام کے لئے خوشی کی خبر سامنے آگئی، وفاقی حکومت نے پٹرولیم مصنوعات کی قیمتیں برقرار رکھنے کا فیصلہ کیا ہے۔ قیمتیں بڑھانے کی سمری کو مسترد کردیا گیا۔

سماجی رابطے کی ویب سائٹ ٹویٹر پر معاون خصوصی ڈاکٹر شہباز گل کا کہنا تھا کہ وزیراعظم عمران خان نے فیصلہ کیا ہے کہ پٹرولیم مصنوعات کی قیمت نہیں بڑھائی جائے گی اور موجودہ قیمتوں کو برقرار رکھا جائے گا۔

وزیراعظم عمران خان نے فیصلہ کیا ہے کہ پٹرولیم مصنوعات کی قیمت نہیں بڑھائی جائے گی۔ اوگرا کی سمری میں 5 سے 10 روپے اضافے کی سفارش کی گئی تھی۔ وزیراعظم نے اسے نامنظور کر کے 16 اپریل کی قیمتیں برقرار رکھنے کا فیصلہ کیا۔

اوگرا کی سفارش کردہ قیمتیں لف ہیں۔ جو منظور نہیں کی گئیں pic.twitter.com/ngCNpmQ7Yf

— Dr. Shahbaz GiLL (@SHABAZGIL) April 30, 2021

واضح رہے کہ اوگرا کی سمری میں 5 سے 10 روپے اضافے کی سفارش کی گئی تھی۔ وزیراعظم نے اسے نامنظور کر کے 16 اپریل کی قیمتیں برقرار رکھنے کا فیصلہ کیا۔

یادرہے کہ 15 روز قبل وزیر اعظم عمران خان کی جانب سے عوام کو ریلیف دینے کے لیے مسلسل دوسری مرتبہ پٹرولیم مصنوعات کی قیمت میں 2.32 روپے کمی کر دی گئی تھی۔

اُس دوران وفاقی وزیر حماد اظہر نے ٹوئٹ کیا تھا کہ وزیراعظم عمران خان نے پٹرول کی قیمت میں کمی کرنے کی منظوری دیدی ہے، فی لٹر پٹرول 1 روپے 79 پیسے سستا کیا گیا ہے۔

اپنے ٹویٹ میں انہوں نے مزید کہا تھا کہ ڈیزل کی قیمت میں فی لیٹر 2 روپے 32 کمی کی گئی ہے، مٹی کے تیل کی قیمت میں فی لٹر 2.06 روپے کی تنزلی دیکھی گئی ہے۔ لائٹ ڈیزل کی قیمت میں فی لٹر 2.21 روپے کمی کی گئی ہے۔

مزید پڑھیں: رواں ماہ میں دوسری بارپیٹرولیم مصنوعات کی قیمتوں میں اضافہ کردیاگیا