گوگل نیوز پر ہمیں فالو کریںاسلام آباد: وفاقی حکومت کے تحت وزارتِ مذہبی امور نے حج درخواستیں وصول کرنے کی تاریخ میں 2 روز کی توسیع کردی ہے جس کے لیے اسٹیٹ بینک کو خط لکھ دیا گیا۔
وفاقی وزارتِ مذہبی امور نے گزشتہ روز حج درخواستیں کی وصولی میں دو دن کی توسیع کے لیے خط لکھا جبکہ ترجمان مذہبی امور کے مطابق حج درخواستوں کی وصولی 8 مارچ تک جاری رہے گی۔
ترجمان مذہبی امور کے مطابق اسٹیٹ بینک کو آگاہ کردیا گیا ہے کہ نامزد بینک ہفتے اور اتوار کے روز بھی حج درخواستیں وصول کریں گے جبکہ سرکاری حج اسکیم کی قرعہ اندازی 12 مارچ کو ہوگی۔
سرکاری حج اسکیم کے لیے درخواستوں کی وصولی کو 10 روز گزر چکے ہیں جن کے دوران 13 نامزد بینکوں میں 1 لاکھ 26 ہزار 650 حج درخواستیں وصول کی جاچکی ہیں۔
یاد رہے کہ اس سے قبل وفاقی وزیر نور الحق قادری نے حج پالیسی کا اعلان کرتے ہوئے کہا کہ رواں سال ایک لاکھ 79 ہزار 210 پاکستانی حج ادا کرسکیں گےاور سرکاری حج کا خرچہ 4 لاکھ 90 ہزار ہوگا۔
اسلام آباد میں گزشتہ ماہ پریس کانفرنس کرتے ہوئے نور الحق قادری نے کہا کہ سعودی عرب کی جانب سے پاکستان کو دیا گیا کوٹہ ایک لاکھ 79 ہزار 210 ہے۔
مزید پڑھیں: حج اخراجات 4 لاکھ 90 ہزار تک ہوں گے۔نورالحق قادری
