گوگل نیوز پر ہمیں فالو کریںملک میں سردی کی بڑھتی ہوئی لہر اور اس کے نتیجے میں بچوں اور والدین کی مشکلات کے پیش نظر اسکولوں کی چھٹیوں میں اضافہ کر دیا گیا ہے۔
یہ فیصلہ خیبرپختونخوا کی وزارت تعلیم کی جانب سے صوبے میں موسم سرما کی صورت حال کو سامنے رکھتے ہوئے کیا گیا ہے۔
اپنی ماں کی دوبارہ شادی کروانے والا پاکستانی نوجوان ہیرو بن گیا
فیصلے کی تفصیلات کے مطابق خیبرپختونخوا کے تمام اسکولوں میں موسم سرما کی تعطیلات بڑھا دی گئی ہیں جبکہ محکمہ تعلیم خیبرپختونخوا نے موسم سرما کی تعطیلات میں توسیع کا نوٹیفکیشن بھی جاری کردیا ہے۔
نوٹیفکیشن میں کہا گیا ہے کہ صوبے کے تمام سرکاری اور پرائیویٹ اسکولز 6 جنوری تک بند رہیں گے۔ خیال رہے کہ اس سے قبل صوبائی محکمہ تعلیم نے 31 دسمبر تک موسم سرما کی تعطیلات کا اعلان کیا تھا۔
اعلامیے میں کہا گیا تھا کہ صوبےکے میدانی علاقوں میں موسم سرما کی تعطیلات 23 دسمبر سے 31 دسمبر تک جبکہ پہاڑی علاقوں میں 23 دسمبر سے 29 فروری 2024 تک ہوں گی۔
