گوگل نیوز پر ہمیں فالو کریںبھارت کے ساحلی شہر ممبئی میں تاریخ کے مایہ ناز مسلم حکمران ٹیپو سلطان کے نام سے منسوب باغ کا نام بدلنے کا حکم جاری کردیا گیا ہے۔
تفصیلات کے مطابق بھارت کی حکمراں سیاسی جماعت بھارتیہ جنتا پارٹی نے باغ کا نام رکھنے سے قبل ہی اس پر احتجاج کیا تھا۔ مہاراشٹر کے وزیر منگل پربھات لودھا نے ممبئی کے نگراں وزیر کی حیثیت سے ہدایات جاری کردیں۔
حرمِ مکہ میں دنیا کی سب سے بڑی چھتری نصب کرنے کا فیصلہ
منگل پربھات لودھا نے ضلع کلکٹر کو حکم دیا کہ ممبئی کے مضافاتی علاقے میں ٹیپو سلطان کے نام سے منسوب باغ سے یہ نام ہٹائیں۔ پارک کا نام شو سینا کی زیر قیادت مہاراشٹر وکاس اتحاد (ایم وی اے) حکومت کے دور میں رکھا گیا تھا۔
موجودہ حکمراں سیاسی جماعت بی جے پی نے باغ کا نام ٹیپو سلطان کے نام پر رکھنے کی مخالفت کی تھی۔ مقامی ایم پی کے مطالبے پر غور کے بعد ملاڈ میں واقع پارک سے ٹیپو سلطان کا نام ہٹانے کا حکم دے دیا گیا۔
Media Interaction
मालाड येथील उद्यानाला अनधिकृत रीतीने दिलेले टिपू सुलतानचे नाव हटवले, या संदर्भात मीडियाशी संवाद साधताना…. pic.twitter.com/HDPeuQCNzW
— Mangal Prabhat Lodha (Modi Ka Parivar) (@MPLodha) January 27, 2023
ٹوئٹر پر جاری بیان کے بعد نگراں وزیر ممبئی منگل پربھات لودھا کو عوام کی جانب سے ملے جلے ردِ عمل کا سامنا ہے۔ بعض مسلم سوشل میڈیا صارفین نے منگل پربھات لودھا کو برا بھلا بھی کہا تاہم ہندو شدت پسندوں نے وزیر موصوف کے اقدام کی تعریف بھی کی۔
