گوگل نیوز پر ہمیں فالو کریںوزیر خارجہ شاہ محمود قریشی نے کہا ہے کہ ایک سال کے عرصے میں حکومت کی کارکردگی خوش آئند ہے جبکہ ٹیکس دہندگان کی تعداد میں 44 فیصد اضافہ ریکارڈ کیا گیا۔
سماجی رابطے کی ویب سائٹ ٹوئٹر پر اپنے پیغام میں وزیر خارجہ شاہ محمود قریشی نے کہا کہ کرنٹ اکاؤنٹ خسارے میں 12 ماہ کے دوران 32 فیصد کمی لائی گئی جبکہ ہمیں معیشت تباہی کے دہانے پر ملی تھی۔
یہ بھی پڑھیں: وزیراعظم عمران خان کابھارت کومنہ توڑ جواب دینےپرپاک فو ج کوسلام
وزیر خارجہ نے کہا کہ جب حکومت تحریک انصاف کے ہاتھ میں آئی تو اس وقت قرضے تاریخ کی بلند ترین سطح پر تھے۔ کرنٹ اکاؤنٹ خسارہ مسلسل بڑھتا چلا جا رہا تھا۔
شاہ محمود قریشی نے کہا کہ ملکی برآمدات سکڑتی جارہی تھیں، اس کے برعکس درآمدات میں اضافہ ہورہا تھا جس سے ملک کو نقصان پہنچا۔ آج وزیر اعظم عمران خان کی قیادت کے ثمرات نظر آ رہے ہیں۔
ان کا کہنا تھا کہ وزیر اعظم عمران خان کی معاشی ٹیم کی عزم و ہمت کی داد دینی چاہئے جس کے نتائج سامنے آ رہے ہیں جبکہ ہمارا ٹیکس سے جی ڈی پی کا تناسب جنوبی ایشیاء میں سب سے کم تھا۔
مالیاتی اعدادو شمار کے حوالے سے شاہ محمود قریشی نے کہا کہ کرنٹ اکاؤنٹ خسارے میں 32 فیصد کمی اور 3 ماہ میں ٹیکس وصولی میں 15 فیصد اضافہ دیکھا گیا جس سے مجموعی طور پر خسارہ 64 فیصد کم ہوا۔
One year in, tax filers are up by 44%, current account deficit is down by 32%. In the last 3 months tax collection has increased by 15% & current account deficit decreased by 64%. PM Imran Khan’s visionary leadership & the dedication of our economic team is coming to fruition. https://t.co/QnwuhyHn9X pic.twitter.com/ZePWQQrSQX
— Shah Mahmood Qureshi (@SMQureshiPTI) October 20, 2019
یاد رہے کہ اس سےقبل سماجی رابطے کی ویب سائٹ ٹوئٹر پر معاشی ٹیم کی کارکردگی کے حوالے سے تفصیلات شیئر کرتے ہوئے وزیر اعظم عمران خان نے اقتصادی کامیابیوں پر اطمینان کا اظہار کیا۔
وزیراعظم عمران خان کی دو روز قبل شیئر کردہ تفصیلات کے مطابق سمندر پار پاکستانیوں کی طرف سے ترسیلاتِ زر میں 17 فیصد اضافہ نوٹ کیا گیا جبکہ کرنٹ اکاؤنٹ خسارے میں واضح کمی آئی ہے۔
شیئر کردہ تفصیلات کے مطابق ملک میں غیر ملکی سرمایہ کاری میں اضافہ دیکھنے میں آیا ہے جبکہ ملکی برآمدات میں 5 اعشاریہ 9 فیصد اضافہ ہوا ہے جو قابل اطمینان ہے۔
مزید پڑھیں: ایک سال کے اندر معیشت کو پٹڑی پر لانا معاشی ٹیم کی اہم کامیابی ہے۔وزیر اعظم
