گوگل نیوز پر ہمیں فالو کریںاسلام آباد: پی ٹی آئی کے دور میں وزیر اعظم کی سابق معاونِ خصوصی فردوس عاشق اعوان نے گھریلو ملازمہ پر تشدد کی ویڈیو سامنے آنے کے بعد الزامات کی تردید کی ہے۔
سماجی رابطے کی ویب سائٹ ٹوئٹر پر اپنے پیغام میں سابق معاونِ خصوصی فردوس عاشق اعوان نے کہا کہ براہِ کرم ایسے بے بنیاد الزامات لگانے سے گریز کریں، کسی قسم کا کوئی تشدد نہیں ہوا۔
جیل میں عمران خان کی جان کو خطرہ ہے۔شاہ محمود قریشی
ٹوئٹر پیغام میں فردوس عاشق اعوان نے کہا کہ یہ ایک ایسا جرائم پیشہ گروہ تھا جو 3 کے گروپ میں گھروں میں کام کرتے ہیں اور چوریاں کرکے فرار ہوجاتے ہیں۔ہم نے ان کو رنگے ہاتھوں پکڑا تھا۔
پیغام میں فردوس عاشق اعوان نے کہا کہ ہم نے ان کے خلاف اسلام آباد تھانے میں درخواست جمع کروا دی ہے۔ درخواست کے دوران یہ پتہ چلا کہ اس گروپ کے خلاف پہلے بھی چوری کی ایف آئی آر درج ہے۔ ہمارے میڈیا کو ایسی قیاس آرائی سے قبل ہم سے مؤقف لے لینا چاہئے۔
براہ کرم ایسے بے بنیاد الزامات لگانے سے گریز کریں، کسی قسم کا کوئی تشدد نہیں ہوا۔
یہ ایک جرائم پیشہ گروہ تھاجو 3 کے گروپ میں گھروں میں کام کرتے ہیں اور چوریاں کرکے فرار ہوجاتے ہیں، انکو ہم نے رنگے ہاتھوں پکڑا۔ انکے خلاف اسلام آباد تھانے میں درخواست جمع کروادی ہے۔
درخواست کے… https://t.co/dvtzCwIcgE
— Dr. Firdous Ashiq Awan (@Dr_FirdousAwan) August 5, 2023
خیال رہے کہ سوشل میڈیا پر سامنے آنے والی ویڈیو میں فردوس عاشق اعوان کو ایک خاتون کو گالیاں دیتے اور اس پر ہاتھ اٹھاتے ہوئے جبکہ اس دوران ایک شخص کو فردوس عاشق اعوان کے خلاف گفتگو کرتے ہوئے بھی دیکھا جاسکتا ہے۔
