گوگل نیوز پر ہمیں فالو کریںوزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے ”کامیاب جوان پروگرام“ کے تحت قرض حاصل کرنے والے نوجوانوں کو مبارکباد دی ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی برائے اطلاعات ڈاکٹر فردوس عاشق اعوان نے کہا کہ کامیاب جوان پروگرام مستقبل کے معماروں کی کامیابی کی ضمانت ہے۔
معاونِ خصوصی اطلاعات فردوس عاشق اعوان نے کامیاب جوان پروگرام کو نوجوانوں کی ترقی کے لیے ناگزیر قرار دیتے ہوئے کہا کہ قرضوں کی فراہمی کا آغاز وزیر اعظم عمران خان کے نوجوانوں سے کیے گئے عہد کی پاسداری ہے۔
کامیاب جوان پروگرام کے تحت قرض حاصل کرنے والےنوجوانوں کو مبارکباد پیش کرتی ہوں۔یہ پروگرام مستقبل کے معماروں کی کامیابی کی ضمانت اور ان کی ترقی کیلئے ناگزیر ہے۔قرضوں کی فراہمی کا آغاز وزیر اعظم عمران خان کے نوجوانوں سے کئےگئے عہد کی پاسداری کی جانب عملی قدم ہے۔
— Dr. Firdous Ashiq Awan (@Dr_FirdousAwan) December 7, 2019
ڈاکٹر فردوس عاشق اعوان نے کہا کہ لاکھوں نوجوانوں کی قرض کے حصول میں دلچسپی وزیر اعظم عمران خان کی قیادت میں نئے پاکستان پر اعتماد کا اظہار ہے جبکہ کامیاب جوان پروگرام کے تحت تمام قرض میرٹ کی بنیاد پر دئیے جائیں گے۔
فردوس عاشق اعوان نے کہا کہ وزیر اعظم عمران خان کا کامیاب جوان پروگرام نئے پاکستان کا عملی اظہار ہے جبکہ وزیر اعظم کا یقین ہے کہ قوم میرٹ کو فروغ دے کر فلاح اور ترقی حاصل کرسکتی ہے۔
لاکھوں نوجوانوں کی قرض کے حصول میں دلچسپی عمران خان کی قیادت میں نئے پاکستان پر اعتماد ہے۔تمام قرض میرٹ پر دیے جائیں گے۔عمران خان کا یقین ہے کہ قوم اور معاشرہ میرٹ کو فروغ دے کر فلاح اور ترقی پائے گا۔
— Dr. Firdous Ashiq Awan (@Dr_FirdousAwan) December 7, 2019
انہوں نے بتایا کہ کامیاب جوان پروگرام کے پہلے مرحلے میں نوجوان طبقے کی ترقی کے لیے 100 ارب روپے مختص کیے گئے ہیں جبکہ پروگرام کے تحت چھوٹے اور درمیانے درجے کی صنعت کو فروغ دیا جائے گا۔
ان کا کہنا تھا کہ کاروباری نوجوانوں کو اس پروگرام کے تحت ترقی کے مواقع میسر آئیں گے جبکہ حکومت ملک میں معاشی سرگرمیوں کے فروغ اور کاروبار میں آسانیاں پیدا کرنے کے مشن پر کاربند ہے۔
کامیاب جوان پروگرام کے پہلے مرحلے میں 100 ارب روپے مختص کیے گئے ہیں۔اس کے تحت چھوٹے اور درمیانے درجے کی صنعت اور کاروبار کرنے والے نوجوانوں کو آگے بڑھنے کے مواقع میسر آئیں گے۔حکومت ملک میں معاشی سرگرمیوں کے فروغ اور کاروبار میں آسانیاں پیدا کرنے کے مشن پر کاربند ہے۔
— Dr. Firdous Ashiq Awan (@Dr_FirdousAwan) December 7, 2019
یاد رہے کہ اس سے قبل وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا کہ وزیراعظم عمران خان نیا پاکستان ہاؤسنگ پروگرام کے تحت گھروں کی تعمیر کے منصوبے کی تکمیل کیلئے پرعزم ہیں۔
انہوں نے گزشتہ روز کہاکہ پاکستان میں غریب اور عام شہریوں کو اپنے گھر کی چھت کا تحفظ دینے کیلئے پیش رفت تیزی سے جاری ہے۔تعمیرات کے شعبے سے وابستہ افراد کے لیے مزید آسانیاں پیدا کی جارہی ہیں۔
مزید پڑھیں: نیا پاکستان ہاؤسنگ پروگرام کی تکمیل کیلئے پرعزم ہیں، فردوس عاشق اعوان
