اسلام آباد: وفاقی وزیر سائنس اینڈ ٹیکنالوجی فواد چوہدری نے کہا ہے کہ وزیر اعظم پاکستان عمران خان پاکستانی سیاست کی کہکشاں کا درخشندہ ستارہ ہیں۔ وہ پاکستانیوں کی ستارہ بن کر اُبھرنے اور چمکنے کی لازوال امید ہیں۔
فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستان حکومت کرنے کے اعتبار سے کوئی آسان ملک نہیں ہے، نہ ہی عمران خان کوئی بادشاہ ہیں، تاہم حقیقت یہ ہے کہ وہ عوام کے لیے اچھے کام کرنا چاہتے ہیں۔
وزیر سائنس اینڈ ٹیکنالوجی نے کہا کہ وزیر اعظم عمران خان کا دل اس وقت درست فیصلے کر رہا ہے اور میں ان کے لیے نیک تمنائیں رکھتا ہوں۔
Imran Khan has arisen like a true star on the Galaxy of Pak politics,he represents a hope of Pakistanis to riseNshine,Pak is not an easy country to rule nor he is a monarch but fact is he wants to do good for people and his heart is at the right place,all the best @ImranKhanPTI
— Ch Fawad Hussain (@fawadchaudhry) August 18, 2019
یاد رہے کہ اس سے قبل وفاقی وزیر برائے سائنس و ٹیکنالوجی فواد چوہدری نے کہا تھا کہ تنازعۂ کشمیر صرف کشمیر کا نہیں بلکہ پاکستان کے وجود کا مسئلہ ہے۔ اگر آج پاکستان نے اپنے وجود کا احساس نہ دلایا تو ہم صفحۂ ہستی سے مٹ بھی سکتے ہیں۔
مزید پڑھیئے: فواد چوہدری نے چیئرمین سینیٹ کے خلاف تحریک عدم اعتماد کو بدقسمتی قرار دے دیا