ڈی پی او میرعلی سلیم ریاض کے مطابق عسکریت پسندوں نے لڑکیوں کے دو سکولوں کو نشانہ بنایا۔ ان میں سے ایک گورنمنٹ گرلز مڈل اسکول ڈاکٹر نورجنت گل مرحوم کوٹ اور دوسرا میرعلی بازار سے دو کلومیٹر دور جنوب کی جانب دریائے ٹوچی کے قریب گورنمنٹ گرلز مڈل سکول خسوخیل ہے۔

مقامی صحافی رسول داوڑ نے  بتایا کہ ’آپریشن ضرب عضب کے  بعد پہلا واقعہ ہے جس میں کسی اسکول کو نشانہ بنایا گیا ہے۔‘

دوسری جانب محکمہ تعلیم خیبر پختونخوا نے معاملے پر ڈسٹرکٹ ایجوکیشن آفیسر سے تفصیلی رپورٹ طلب کر لی ہے۔